عمرو قطب يتهم صناع أغنية مصطفى قمر بالتعدي على حقوقه: "عيب أوي اللي بيحصل"
أثار الشاعر والملحن عمرو قطب حالة من الجدل، بعدما وجه انتقادات حادة لصناع أغنية جديدة للفنان مصطفى قمر، متهماً إياهم باستخدام اسم أغنية وتفعيلة من عمل سبق أن قدمه، مؤكداً أن الأغنية الخاصة به مسجلة ومصنفة باسمه.
عمرو قطب: "عيب أوي اللي بيحصل ده"
وقال عمرو قطب عبر فيسبوك: "عيب أوي اللي بيحصل ده عيب بجد إستقيموا يرحمكم الله يعني ايه ابعت غنوه كلام ولحن وجيد لمطرب المفروض انه نجم كبير وموزع الالبوم يسمعوها واتفاجيء ان إسم الغنوه بالإفيهات بنفس إسم الأغنيه والتفعيله منحوته بالحرف ومغيرين اللحن وكلمتين لذوم الحبكه ... هل دا يصح وهل دي أصول شغل واحترام لمجهودي وكمان دا يحصل مع نجم كبير زي مصطفي قمر".
وأضاف: "أغنية "ضجه " رج قلبي رجه بتاعتي ومتصنفه ط بإسمي وبإسم "ضجه" وكلامها كان عند الملحن وكان ممكن افترض حسن النيه و توارد ألأفكار لكن لما يبقي صناع الغنوه اتنين فيهم ملحن بيني وبينه خصومه قانونيه ودايمآ مركز في شغلي يبقي في لعبه قذره وشغل مواهب انا مابحبوش .. وبإذن الله استنوا مفاجأه لما تنزلوا الغنوه هتعجبكوا أوي .. دي حقوق ناس يانجوم مش هزار .. الغنوه متصنفه ومتبصمه ديجيتال ومعمولها تصريح وتنازل لنجم كبير ودا حقه محدش يحرقله شغله ولا إسم غنوته وانا بعرف احافظ علي شغلي كويس".
وفي منشور آخر له، رد الملحن عمرو قطب على تصريحات الشاعر التي اتهمته فيها بالنحت والتعدي على أغنيته "ضجة"، مؤكداً امتلاكه مستندات وترقيبات تثبت أحقيته في العمل، ومشيراً إلى أنه يحتفظ بأدلة تعود لسنوات، وأنه سيلجأ إلى الإجراءات الرسمية والقانونية لحماية حقوقه.
وقال: "مصنف ترقيب لأغنية ضجه بتاريخ ٢٠٢٢ طالما ان البجاحه وصلت لكده ياشاعر يامحترم ... اقعد بقي ذاكر الكلمتين دول واتعلم منهم حاجه تنفعك من واحد بقاله ١٩ سنه في الشغلانه.. اولا كويس انك اعترفت في البوست بتاعك ان ده إسمه نحت وان دي نفس الافيهات ونفس الإسم ومن حقي اتكلم واقول ان ده تعبي ومجهودي واتنحت مني عشان علي الاقل لما غنوتي تنزل مايتهمنيش اي حد اني بنحت شغلي من تعب غيري .. وطالع بكل بجاحه تقولي انا هحرجك علي الملاء ورافع اسكرينات بينك وبين الملحن اللي مايدخلش ذمتي بجنيه لا فن ولا إبداع عشان تثبت فيها انك صاحب الغنوه وتاريخ المحادثه أقدم من تاريخ توثيق وتصنيف غنوتي ... انا الغنوه دي بعتها واتس ل ٦ فنانين فقط من ضمنهم أستاذ كريم الموزع والأستاذ مصطفي قمر و والملحن اللي بيشغلك والكلام ده عندي مثبت بإسكرينات ومن سنين كمان مش لسه حديثه".
وأضاف: "وزي ما كل زملائنا عارفين مفيش مصنف بيتم التنازل عنه لو عدي علي الترقيب سنه وعشان الغنوه معايا من ٢٠١٩ بضطر كل سنه أعيد ترقيبها تاني .. فلو انت فاكر انك أقدم مني ورافع اسكرينات شات في ٢٠٢٤ احب اقولك انت غلبان وماتعرفش انا معايا ايه ولسه مارفعتوش بس هرفع جزء منه عشان انت تستاهل أحرجك علي قلة ذوقك وانا بقي اللي هعرفك واعلمك ازاي الحق بيتاخد رسمي وبالقانون .. دول اتنين ترقيب وفي تاني بتاريخ أقدم لو عايز وكده كده هنتقابل بصفه رسميه قريب وأخيرآ بقي انا كا عمرو قطب أقل واحد في الدنيا لا بحر يفيض ولا نهر من انهار الشعر وكمان لا بتاع لايفات ولا بوستات ولا إثارة جدل انا راجل بحترم نفسي وبحترم فني وبحب اشتغل وبس واثير الجدل بشغلي فقط وبحب الخير لكل الناس اللي اعرفه ومااعرفوش من زمايلي.. انا مش ذنبي ان في حد بيحركك زي ماهو عايز وانت سمعآ وطاعة اللي بيطلبه منك بتعمله دي شخصيتك ودي إرادتك وانت حر فيها .. ولكن انا صاحب حق وراجل شغلتي كلها ورق فقط".
