عصام كاريكا: "عملت برنامج قولت فيه اللي متقالش قبل كده"| خاص
تحدث الفنان عصام كاريكا عن برنامجه “اللي متقالش قبل كده”، موضحًا أنه برنامج سبق عرضه، يستعرض من خلاله محطات مهمة من مشواره الفني الطويل، إذ يروي كواليس وتفاصيل تعاونه مع عدد كبير من نجوم الغناء العربي، ويكشف أسرارًا وحكايات تُروى للمرة الأولى عن أبرز الأعمال التي شارك فيها على مدار سنوات، وهو ما دفعه لتقديم فكرة البرنامج لنقل جوانب لم تُكشف من قبل للجمهور.
اللي متقالش قبل كده
وقال الفنان عصام كاريكا في تصريح خاص لموقع كارافان: "في برنامج أنا كنت بعمله تبع منصة واسمه اللي متقالش قبل كده مع كاريكا انا الحمدالله عامل اغاني قبل كده وربنا كتبلها نجاح كبير فأول أغنية عملتها ليها حكاية، عملنا البرنامج ده حلقات كلها ٧ دقايق فيها فيديوهات عمر ما حد شافها زي انا وعمرو دياب قاعدين بالعود بنعمل وهي عاملة ايه دلوقتي ولا حد شافني وانا ومحمد هنيدي بنقول وحيات اميرة ولبنة وسميرة اللي كانت في شريطي انا وصورنا حوالي ٣٠ حلقة وبنمنتجهم دلوقتي، عمرو دياب عنده اغاني كتير لسه منزلتش وممكن يكون ملقاش وقت".
وأضاف: "مجدي القاسم كانت بدايته معايا "من هنا بدأ الهوا" وبعد كده "قسوة قلبك ليا" اغاني كتير لمجدي القاسم واخر غنوة لسه منزلها امبارح كتبها الشاعر صلاح عطية ومجدي حبيبي واخويا،مجدي القاسم صوت جميل وزي ما عرفته مجدي زمان بتواضعه وفنه الجميل لغاية انهاردة مجدي القاسم نجم كبير".
تحت الشباك
وأستطرد: "تحت الشباك ديه أغنية عملتها من زمان ونزلت كمان على قناة مزيكا بقالها ١٥ سنة والكواليس كنا بنصور غنوة وجايبين models وجه المخرج قالي انت عندك تراك اسمه تحت الشباك قالي ما تيجي نصوره وروحنا مصورينه".
وقال: "الجديد عندي راغب علامة ودلوقتي في حاجة مزلنها اسمها يا مصر يللي معانا محمود الليثي وأحمد شيبة وأمينة غنوة لمصر وبنكلم عن اسكندرية والمنصورة وكل المدن والمحافظات في مصر وهتعجبكوا بإذن الله".
وأختتم: "توقعاتي للمنتخب انا توقعت فوز مصر على نيوزيلندا 3/1 وتوقعت تعادل إيران ومصر انا متوقع أن مصر هتكسب 2/1 استراليا".
