أحمد موسى: 30 مليون مصري نزلوا الشارع في 30 يونيو علشان يرجعوا اللي اتسرق|خاص

أكد الإعلامي أحمد موسى أن خروج ملايين المصريين في 30 يونيو 2013 سيظل في ذاكرة الشعب، مشيرًا إلى أن المواطنين احتشدوا في الشوارع والميادين بمختلف المحافظات بصورة غير مسبوقة.

أحمد موسى يكشف إحساسه في ثورة 30 يونيو

وقال الإعلامي أحمد موسى في تصريحات خاصة لـ "كارافان": "كل واحد فينا كان حاسس أن بيته اتاخد منه، فكل واحد قرر ياخد ولاده ويرجع بيته من التنظيم اللي أخد بيته منه".

وأضاف أحمد موسى: "كله نزل في وقت واحد، واللي مقدرش يروح مكان وقف تحت البيت، واللي مقدرش يروح مدينة وقف في الغيط بتاعه أو في قريته.

أحمد موسى 30 يونيو بداية عودة مصر

وفي نفس السياق، قال الإعلامي أحمد موسى: خلال تقديم برنامج على مسئوليتي، المذاع على قناة صدى البلد، أن الثورة كانت بداية عودة مصر حين قررنا نبني بلدنا ونرجع بيتنا اللي هو بلدنا اللي كان محتلها العصابة الإخوانية.

وأوضح أحمد موسى:  أنه في يوم 30 يونيو وما قبلها تم رفع صور الرئيس عبد الفتاح السيسي وكان حينها الفريق أول عبد الفتاح السيسي وسبقها في يناير 2013 ولم يكن الكلام على ثورة ولا شي وكان هذا في بورسعيد اعتراضًا على سياسات مرسي.

وأضاف الإعلامي أحمد موسى: أن البلد كانت مخطوفة ومحتلة من التنظيم الإرهابي ولو الثورة لم تنجح كان تم سحق كل اللي نزل وتم قتلهم والإخوان معندهمش مانع يقتلوا مليون ولا اتنين مليون كانوا شايفين عادي يضحوا بشوية.

واختتم الإعلامي أحمد موسى، أن الشعب المصري أخد القرار بالنزول للشارع وعدم العودة إلا بعد تطهير البلد من الإخوان وتم منح الجماعة 3 مهلات بداية أسبوع وصولا لـ 48 ساعة ثم وصولا لبيان 3 يوليو.