عصام كاريكا يتحدث عن تعاونه المرتقب مع أغنية أحمد| خاص
تحدث الفنان عصام كاريكا والمطربة الصاعدة أغنية أحمد رمضان عن تعاونهما المرتقب خلال الفترة المقبلة، من خلال تقديم أغنيتين جديدتين، كما أعرب كاريكا عن ثقته الكبيرة بموهبتها وإيمانه بقدراتها الفنية.
صوت حلو لازمله أغنية حلوة
وقال الفنان عصام كاريكا في تصريح خاص لموقع كارافان: "الفكرة أن احنا عندنا صوت حلو والصوت الحلو لازمله أغنية حلوة وإنتاج حلو عشان توصل للناس والحمدلله لقينا المنتج محمد العشري اللي اقتنع بصوتها وانا مقتنع قبله ولما جه يقولي قولتله ديه بنتنا فلازم نعمل حاجة حلوة فأحنا معانا صوت حلو وشكل حلو وهي كمان شغالة لايف والناس عارفاها".
وأضاف: "مبسوط وانا بعملها أغنية وخاصة أن هي بنت اخويا وحبيبي احمد رمضان المايسترو الكبير".
وقالت أغنية أحمد رمضان: "انا دائما بقوله شهادتك ديه احطها وسام مفيش حد في الدنيا يطول أن نجم زي عصام كاريكا يبقي ده رأيه فيه وشرف ليا اكبر أن اسمي يكون في بداياتي جنب عصام كاريكا وطبعا انا حابة اشكر المنتج محمد العشري هو اخ قبل ما حتي يكون في تعاون ما بينا وهو كان مقتنع جدا بصوتي".
عملنا أغنيتين
وقال عصام كاريكا: "الصوت الحلو وصلنا أن احنا بنعمل حاجتين مش حاجة واحدة أغنية دراما هتنزل بعد الصيف لكن اللي بنسجلها دلوقتي غنوة حب وهتنزل في الصيف وان يكون في اتفاق على غنوة بعدها ده نتاج أن احنا معانا صوت حلو، والأغنية الحاني وهي بتغني بصوتها واستقرينا على اسم الاغتية بي مينفعش نقوله دلوقتي عشان منحرقش".
وأختتم كلا من عصام كاريكا وأغنية أحمد حديثهما وقالوا: "بنتوقع للعمل النجاح واحنا متفائلين جدا والنجم عصام كاريكا وش الخير على اي حد يشتغل معاه وفنانين بقوا اسماء كبار من الحانه".
