عمرو محمود ياسين يكشف حقيقة تغيير نهاية مسلسل وننسي اللي كان

أوضح السيناريست عمرو محمود ياسين حقيقة ما تردد بشأن تغيير نهاية مسلسل وننسى اللي كان، الذي قامت ببطولته الفنانة ياسمين عبد العزيز وكريم فهمي، خلال الموسم الرمضاني 2026.

وكتب عمرو محمود ياسين عبر حسابه على فيسبوك: “هبدة كل سنة.. يقولك النهاية اتغيرت.. أولًا مافيش مرة ببدأ فيها أي عمل من غير ما أكون محدد النهاية بشكل عام، لأن ده بيسهل الكتابة، وبيكون عندي هدف واضح عايز أوصله”.

وأضاف عمرو: “مشاهد الـMMA اللي قبل النهاية كانت متخطط لها من فترة، لأن النوع ده من المشاهد بيحتاج تجهيزات كتير زي المعاينة، حجز المكان، تجهيز الديكور والإضاءة، وتوفير المجاميع، وكل ده بيتم قبل التصوير بوقت كافي، غير إن التصوير نفسه بياخد يوم كامل على الأقل، وده واضح في مستوى التنفيذ اللي ظهر في المشاهد”.

وتابع: “التصوير عملية معقدة وبتتطلب تفاصيل كتير، خصوصًا في مشاهد الأكشن، مش قرار بيتاخد بشكل مفاجئ. وكمان البطولة اللي بيخوضها بدر السباعي كانت عنصر مهم للوصول لنهاية سعيدة، لأن استمرار العلاقة بينه وبين جليلة بدون حل الفجوة بينهم كان هيكون غير منطقي”.

واختتم: “النهاية السعيدة كانت محددة من البداية، وكل عناصرها كانت متفق عليها، حتى الأغنية كانت مختارة مسبقًا، وهي (كله بيقلدك). وبتفاجئ من الكلام اللي بيتردد، خصوصًا من ناس المفروض عندها خبرة بطبيعة التصوير والإنتاج".