مرام علي: كندة علوش أشهر من جومانة مراد.. ومحمد رمضان فنان واثق من نفسه وبحبه جدا
كشفت الفنانة مرام علي عن نظرتها لتجارب الفقد والفراق في حياتها، موضحة أن هذه التجارب جعلتها أكثر قوة وتقبلًا للأحداث الصعبة، كما تحدثت عن العديد من الأمور الشخصية.
وقالت مرام علي خلال استضافتها ببرنامج حبر سري، المذاع على قناة القاهرة والناس، والذي تقدمه أسما إبراهيم: «كنت دايمًا بخاف أفقد حد قريب مني، لكن بعد ما فقدت ناس من عيلتي بقيت مقتنعة أكتر إن دي سنة الحياة. مرّيت بتجارب فراق كتير، مش بس وفاة، لكن كمان ناس بعدت عني وهم عايشين، وده علمني أكون أقوى».
وتحدثت عن حلم صعب أثر فيها: «حلمت قبل كده بوفاة والدي وكنت حاسة إني مش قادرة أعمل أي حاجة، الإحساس كان صعب جدًا. بقالي فترة مفرحتش بجد، ومحتاجة فرحة قريبة، أحضر فرح حد أو أشوف نجاح حد قريب مني وأفرح له.
مرام علي تتحدث عن الدراما السورية
وعن وضع الدراما السورية، أعربت عن تفاؤلها: «الدراما السورية مرت بفترة تراجع، وده طبيعي في أي صناعة، لكن السنة دي مختلفة وفي شغل قوي جدًا. الجمهور هو اللي بيصنف، ومفيش حاجة بتفضل في القمة طول الوقت».
مرام علي تكشف سبب اعتذارها عن العمل مع المخرجة كاملة أبو ذكري
وأوضحت سبب اعتذارها عن عمل معين: «اعتذرت عن شغل مع المخرجة كاملة أبو ذكري علشان أشارك في الجزء التاني من مسلسل عروس بيروت، وبتمنى أشتغل معاها قريب».
كما روت موقفًا صعبًا واجهها في إحدى الأعمال: «كنت مجهزة نفسي لمسلسل، وبعد حوالي عشرين يوم لقيت خبر إن التصوير بدأ ومفيش ليّا مشاهد، ولما كلمت المخرج قالي إنه نسي يعتذر وجاب فنانة تانية مكاني».
كندة علوش الأكثر شهرة ونجاحا في مصر من جومانا مراد
وقالت خلال الحلقة أن كندة علوش الأكثر شهرة ونجاحا في مصر من جومانا مراد، وعن رغبتها بالعمل في مصر: «مفيش ممثل مش نفسه يشتغل في مصر، الوجود الفني في مصر مهم جدًا لأي فنان».
محمد رمضان فنان واثق من نفسه وحضوره مختلف
وعن إمكانية تعاونها مع الفنان محمد رمضان، قالت: «أوافق اشتغل معاه، بحب محمد رمضان جدًا، عمره ما استسلم وعنده ثقة كبيرة في نفسه، وده شيء مميز فيه، هو فنان قوي وحضوره مختلف».
