«قلبي كان بيقولي: ده أخر عيد ميلاد ليك».. أحمد عبد الحميد ينعي والده بكلمات مؤثرة
نشر الفنان أحمد عبد الحميد، عبر صفحته الرسمية على موقع التواصل الاجتماعي، صورة تجمعه بوالده الراحل الماكير محمد عبد الحميد، ووجّه له رسالة مؤثرة عبّر خلالها عن مشاعر الفقد والحنين، مستعيدًا آخر عيد ميلاد جمعهما معًا.
وقال أحمد عبد الحميد في تعليقه على الصورة: «الصورة دي من آخر عيد ميلاد ليك، وأنا بتصورها معاك كان قلبي بيقولي ده آخر عيد ميلاد ليك وآخر مرة هقدر أفرحك، بس ولا أنا ولا إنت كنا عارفين إن فرحك جاي، وإن ربنا هيرزقك البداية الأبدية في جنته إن شاء الله، بوجه مستبشر كده زي ما كل اللي ودّعوك شافوه».
وأضاف: «كنت آخر سنين تقولّي: أنا اتنسيت خلاص يا أحمد، ولما أقولك فلان بيقولّي سلّملي على الأستاذ، تقولّي: ياااه، فيه الخير الحمد لله إنه لسه فاكرني أو لسه فكراني».
وتابع أحمد عبد الحميد حديثه عن والده قائلًا: «لو شفت حب الناس ليك بعد ما مشيت، سواء في خارجتك أو في عزاءك أو حتى على صفحاتهم، هتعرف قد إيه إنت كنت عظيم، وهتفضل تاريخ، وهتفضل سيرتك حلوة، وهتسترنا طول ما إحنا عايشين».
واختتم الفنان رسالته بكلمات وداع مؤثرة قال فيها:«بس أنا عارف إن كل ده ولا يشغلك دلوقتي يا عم، وإنت منعم في جنة الرحمن مع حبايبك كلهم، وهو ده عزائي الوحيد. ربنا يرحمك يا أطيب قلب وأحسن أب، ويجعلني خير خلف ليك، وأفضل محافظ على اسمك وسيرتك وأخلاقك اللي سايبها في قلوب الناس… أشوفك على خير يا حمادة»
.
