عمرو سلامة يهاجم دعوات منع الأفلام: "المنع بقى نكتة.. والفن مش مطلوب يزعل الجميع"

أبدى المخرج عمرو سلامة استياءه من تصاعد موجة المطالبات بمنع بعض الأعمال الفنية خلال الأيام الأخيرة، مشددًا على أن النقد حق أصيل للجمهور، لكنه لا يمكن أن يتحول إلى وسيلة لإيقاف الإبداع أو التضييق على صُنّاع الفن.

وقال سلامة في منشور مطول عبر حسابه على فيسبوك إنه يتقبل الانتقادات مهما كانت حدتها، مضيفا: "موافق على الانتقادات لكن رافض تمامًا طلبات المنع والمعاقبة، طالما قدمت شغلك للجمهور زي ما أنت عايزه يدفع فلوس… يبقى لازم تبقى مستعد تتحمّل النقد… مهما كان لاذع أو قاسي".
 

وتابع موضحًا خطورة مطالب المنع، قائلاً: "الناس اللي عايزة تمنع عمل، أو تعاقب صناعه علشان حاجة مش عاجباهم… دول في الحقيقة بيضرّوا نفسهم قبل أي حد، لأن بكرة لو طلع عمل بيعبر عنهم ويمثلهم، ممكن طرف تاني مختلف أو محافظ أكتر يشوف نفسه مهدد فيطلب منعه… وده معناه إن الفن يبقى ماسخ، ما يناقشش حاجة، ولا يمثل أي فئة".

وأشار إلى أن منطق المنع قد يؤدي إلى إنتاج أعمال بلا مضمون: "كده يبقى المفروض العمل ياخد موافقة الشعب كله قبل ما يتعرض، ولو أكتر شخص متطرف فكريًا ماعجبوش… يتشال من الوجود".

وتوقف سلامة أمام تاريخ السينما المصرية، منتقدًا ما اعتبره تضييقًا متزايدًا: "افتح أي فيلم محترم من التسعينات… هل الفيلم ده كان ممكن يتعمل النهاردة؟ بنسبة 90% لأ… قريب شفت الخماسية العظيمة لعادل إمام ووحيد حامد وشريف عرفة… هل أي عشر دقايق فيهم يتعملوا النهاردة؟".

واختتم رسالته مؤكدًا دعمه لحرية الإبداع: "لو وافقت إن اللي واقف يمينك يتخرس، يبقى اللي شمالك هيخرسك… وبحيي النقابة على سماحها لأي حاجة مختلفة… حتى لو مش على مزاجي. ضد المنع… أي منع. في زمن كل حاجة فيه متاحة… المنع بقى نكتة، منطق قديم وديناصوري".

أخر أعمال عمرو سلامة 

يذكر أن أخر أعمال عمرو سلامة، هي مسلسل “بريستيج”، والذي شارك في بطولته محمد عبدالرحمن ومصطفى غريب، وعدد من النجوم من الأخرين.

فريق عمل مسلسل برستيج

الجدير بالذكر أن مسلسل "برستيج" هو باكورة إنتاج شركة "ذا بلانت ستوديوز"، وقد قامت بكتابة السيناريو والحوار المؤلفة إنجي أبو السعود ، ويضم العمل نخبة من نجوم الدراما، بجانب محمد عبد الرحمن ومصطفى غريب، من بينهم الفنان القدير سامي مغاوري، دينا، راندا عوض، بسام رجب، بالإضافة إلى الفنانة الشابة آلاء سنان.