أول وأقرب وأغلى أصحاب.. رانيا فريد شوقي عن عائلتها وذكريات العمر

شاركت الفنانة رانيا فريد شوقي متابعيها عبر حسابها الرسمي على "إنستجرام"، صورًا تجمعها بشقيقتيها، ووجهت لهما رسالة عبرت خلالها عن قوة العلاقة التي تجمعهن منذ الطفولة، والذكريات التي عاشوها معًا.

حب عمر كامل

وكتبت: "الصورتين دول بينهم عمر... وبينهم حب أكبر من العمر جيلان بنت أختي مني، ورشا بنت أختي ناهد، وعبير أختي... وأنا خالة من قبل ما أتولد تقريباً فرق السن بينا بسيط، فأحنا ماعرفناش كترابيب وبس... إحنا فتحنا عينينا على بعض. كبرنا في حضن بعض، وتقاسمنا طفولة وذكريات وضحك وخناق وأسرار... وعدت علينا أيام حلوة وأيام صعبة، وفي كل مرة كنا بنلاقي بعض".

وأضافت: "يمكن عشان كده مالناش أصحاب كتير... لأن أول وأقرب وأغلى أصحاب في حياتي كانوا هما. ناس مش محتاجة أشرح لهم أنا حاسة بإيه بالظبط... لأنهم عاشوا عمري معايا. والنهارده لما أبص للصورتين، أحس قد إيه السنين جريت... لكن الحمد لله الحاجة الأهم ما اتغيرتش: لسه إحنا لبعض. والأجمل إن عيالنا كمان كبروا على نفس الحب والقرب. ربنا يديمها علينا نعمة، ويفضلنا في حضن بعض وسند لبعض طول العمر... بحبكم يا بنات، حب عمر كامل".

وفي وقت سابق، احتفلت الفنانة رانيا فريد شوقي، اليوم الإثنين، بعيد زواجها الحادي عشر، وحرصت على مشاركة جمهورها بهذه المناسبة من خلال منشور عبر حسابها الرسمي على “إنستجرام”.

واستعادت رانيا خلال رسالتها تفاصيل الحياة الزوجية التي جمعتها بزوجها على مدار 11 عامًا، موضحة أن السنوات الماضية شهدت العديد من اللحظات والمواقف المتباينة، لكنها أكدت أن استمرار اختيارهما لبعضهما هو أجمل ما في هذه الرحلة.

وقالت رانيا فريد شوقي: “11 سنة جواز، 11 سنة فيهم أيام حلوة وأيام صعبة، ضحك وزعل، اتفاق واختلاف… وحياة كاملة بنعيشها سوا”.

وأضافت: “يمكن أحلى حاجة في السنين مش إنها تعدّي، أحلى حاجة إن بعد كل سنة نفضل مختارين بعض، ولسه عندنا كلام نحكيه وضحكة نضحكها وحاجات كتير نفسنا نعيشها سوا”.

واختتمت رسالتها قائلة: “كل سنة وإنت حبيبي وصاحبي وسندي يا تيمو، وكل سنة وإحنا سوا، وربنا يديم بينا المودة والرحمة ويبارك لنا في اللي جاي”.