تصريح من زمان فات لـ سعاد حسني في حب الله الواحد
تداول رواد مواقع التواصل الاجتماعي فيديو نشره الحساب الرسمي لشبكة قنوات CBC للنجمة الراحلة سعاد حسني، وهو جزء من حوار قديم لها.
وتحدثت سعاد حسني في هذا الجزء من الحوار عن عظمة الله وبديع خلقه، إذ قالت سعاد حسني:
“مين اللي كور الكورة الأرضية.. مين اللي دورها كده بحنيه.. مين اللي في الفضا الكبير علقها ماتقعش منها حتة مياه.. مين اللي عمل البني أدمين المفكرين والمبدعين مين اللي إدانا عقول وقلوب وشفايف نسأل هو مين.. مين اللي دايما صاحي وواخد باله.. وكلنا بنحبه جل جلاله.. ربنا.. إحنا بنحب ربنا وربنا بيحبنا.. ويحبنا أكتر كمان لما نحب بعضنا.. عمل الفراشة بأجنحة وزوقها.. وكل فكرة مدهشة حققها.. البحر حطله ملح لجل يعوِّم..وماسابش حاجه إلا لما خلقها.. ربنا.. مين اللي بنطلب يسمعنا وفي وقت الحزن يشجعنا.. ولما بنفرح نشكر مين على إنه بسطنا ومتعنا.. مين اللي قلبه علينا كلنا واحد واحد.. وكلنا بنحبه هو الواحد”.
وكشفت مصمم الأزياء علية الأسطاوي التي عملت مع سعاد حسني لسنوات طويلة حتى أخر فترات حياتها وقبل أن تنتقل للعيش في لندن، تفاصيل من حياة السندريلا التي يجهلها الجمهور.
تقول علية أن سعاد حسني في حياتها الخاصة كانت أبسط مما يتخيل الجمهور، فمنزلها بسيط وملابسها المنزلية أبسط، تهتم بأدق التفاصيل وتقوم بعمل أغلب الأشياء بيدها.
وأوضحت الحاجة علية في بودكاست مع أحمد أبو اليزيد:«هي دي سعاد تفتح التلاجة بتاعتها لما كانت مبتشتغلش تلاجي حتة جبنة قريش وباقي التلاجة فاضية.. في فترات مكانتش بتشتغل».
وأضافت:«مكانتش بتشتغل علشان نفسيا كانت تعبانه وبداية التعب اللي في ضهرها الالم مكانش بينيمها.. ومن سعاد اللي بترقص وتتنطط لحد مكتئب نفسيا».
وفسرت ذلك بأن سعاد حسني لم تكن تدخر أي أموال، قائلة:«وده لان الفلوس مكانتش بتبات معاها لانها بتفرق الفلوس على كل الل حواليها اخواتها والبواب مكانتش تحب الفلوس تبات معاها».
وعلى مدار ثلاثة عقود، نجحت سعاد حسني في خلق حالة فنية استثنائية، جعلتها تستحق لقب "سندريلا الشاشة العربية"، فكانت كالفراشة التي تحلق في سماء الفن من جيل إلى جيل، ليظل اسمها حاضرًا حتى وقتنا الحالي.
مسيرة فنية حافلة وملامح لا تنسى
قدمت سعاد حسني خلال مسيرتها الفنية ما يزيد على 91 فيلمًا، وشهدت أعمالها تنوعًا ملحوظًا بين الرومانسية والكوميديا والدراما والاستعراض، ونجحت في تقديم شخصيات قريبة من الجمهور، فكانت الفتاة البسيطة والحالمة والمتمردة في الوقت نفسه.
ومن أبرز أعمال سعاد حسني السينمائية "الزوجة الثانية"، "القاهرة 30"، "غروب وشروق"، "الكرنك"، "حب في الزنزانة"، "موعد على العشاء"، و"خلي بالك من زوزو"، الذي تحول إلى أحد أشهر الأفلام في تاريخ السينما المصرية.
