سالي عبد السلام تكشف عن معاناتها مع الأمومة: "بتعملوها إزاي أنا لسه في أول المشوار وبعيط"
كشفت المذيعة سالي عبد السلام عن معاناتها مع الأمومة، وذلك بعد مرور شهرين فقط على إنجاب مولودها الأول "هارون"، موجة رسالة للأمهات.
ونشرت سالي عبد السلام مقطع فيديو عبر حسابها الرسمي على "إنستجرام" وثقت من خلاله الأيام الأولى بعد إنجاب طفلها الأول من داخل المستشفى.
وكتبت تعليق قالت فيه: "أنا مش بهزر الأمهات دى مفيش زيها، أنا لسه المشوار طويل وبعيط من دلوقتى الحمد لله، أنتوا بتعملوها إزاى؟ إزاى؟، عدم النوم! عدم الراحة!.. مش مهم الدواء بتاعى لو فى دواء ليه.. إزاى ومفيش نوم بتكملوا! مش هزار، ده أسلوب تعذيب للمساجين، أنتى بطلة، أنا غلطانة إنى مكنتش أعرف كل ده ولا عمرى حسيت بأم".
سالي عبد السلام توجه رسالة شكر لمتابعيها بعد وضعها مولودها الأول
وفي منشور سابق، وجهت سالي عبد السلام رسالة شكر لمتابعيها بعد وضعها مولودها الأول هارون، كما وجهت الشكر أيضا للمذيعة ريهام سعيد بعد زيارتها في المستشفى، مؤكدة أنها لا زالت تعاني من بعض المضاعفات وطفلها أيضا الذي يعاني من "الصفرا".
ونشرت سالي مقطع فيديو عبر حسابها الرسمي على "إنستجرام" وثق زيارة ريهام سعيد لها في المستشفى، وعلقت عليه قائلة: "ما تزعلوش منى مش عارفة أرد عليكم واحد واحد، أشكركم بجد وده أقل حاجة تتعمل ليكم، ريهام نورتينى وبتفائل بيكى والحمد لله ربنا كملها على خير، وطالعة أشكركم من قلبى معاها، يا رب ديمها نعمة يا رب".
كما طلبت من متابعيها الدعاء، قائلة: "محتاجة منكم دعوات كتير أوى أمانة، هتكمل بالدعاء، أنا ضغطى بيعلى جامد جدا وهارون الصفرا بتعلى جامد وأنا خايفة ياخدوه منى ويروح الحضانة، مش هقدر والله يا رب ..دعواتكم".
