يوسف الشريف عن حياته بعد الانفصال: كانت صعبة في البداية والحياة بقت لذيذة

تحدث الفنان يوسف الشريف عن تفاصيل حياته بعد الانفصال عن زوجته المؤلفة إنجي علاء، وعلاقته بابنيه منها، وكيف نجح في تجاوز هذه الفترة.

وقال يوسف الشريف خلال لقائه في برنامج "صاحبة السعادة" مع الإعلامية والفنانة إسعاد يونس، قائلا: "أنا عايش مع أولادي الاتنين عبد الله وعبد الرحمن توأم عندهم 16 سنة تجربة صعبة في البداية وبتفكر هكمل إزاي؟".

وأضافيوسف الشريف: "أنا بليد جدا في كل حاجة وهما مش عارفين وفي حاجة متغيرة، أول أيام في التجربة دي كنا بندور على الغسالة في البيت قعدنا وعملنا خطة قلتلهم ما الهدوم دي كانت بتتغسل في غسالة بس فين وكان فريق بحث عنها، كل التفاصيل ملخبطة مرورا برحلة طويلة".

يوسف الشريف يتحدث عن علاقته بأولاده 

وتابع يوسف الشريف: "دلوقتي أنا بعتمد عليهم بشكل كبير حتى شغلي في الأول الموضوع كان مجاملة ما تيجوا تقروا وتقولولي رأيكم دلوقتي هما ليهم آراء في السيناريوهات وبيقولوا نصايح مهمة بالنسبة لجيلهم لأنهم مختلفين وليهم آرائهم وأكتر حاجات بيتفرجوا عليها أجنبي بس ليهم رأي يحترم، هما بيساعدوا في كل حاجة وبقت الحياة لذيذة".

وأكد يوسف الشريف أن أولاده لا يشاهدون أعمالا عربية كثيرة وتركيزهم على الأعمال الأجنبية، لكن هناك عمل مفضل لهم من أعماله قائلا: "وهما صغيرين مكانوش بيتفرجوا على أعمالي بس كان فيلم "العالمي" كانوا بيحبوه".

انفصال يوسف الشريف والمؤلفة إنجي علاء

وكان قد أعلن يوسف الشريف عن انفصاله عن زوجته المؤلفة إنجي علاء، في 28 نوفمبر 2023، وذلك بعد زواج استمر 14 عاما، وأثمر عن ابنيهما التوأم عبد الله وعبد الرحمن.