عمرو سعد يكشف أسرار لأول مرة عن "إفراج": "عمل كلاسيكي زي الضوء الشارد وليالي الحلمية"
تحدث الفنان عمرو سعد، عن نسب مشاهدة مسلسل “إفراج” وإعلانه كونه الأعلى مشاهدة في مصر والوطن العربي، والذي عرض في دراما رمضان 2026.
وكشف عمرو سعد خلال لقائه مع عمرو أديب، علق قائلا:"أنا بعتذر أني أعلنت عن أن مسلسل “إفراج” الأعلى مشاهدة، لأنه حسيت بعدها مكنش المفروض أتكلم في ده، بس إيه الدوافع؟!، نسب المشاهدة بيعرفها كل وكالات الاعلان والمحطات لكنها لا تعلن للجمهور".
وأضاف خلال حديثه: “السوشيال ميديا ميديا خطيرة لأن أي حاجة بتتكتب عليه بتتصدق، ملوك الجدعنة وتوبة حققوا مشاهدات عالية ومتكلمتش، لكن السبب وراء إعلاني عن نسب مشاهدة إفراج وده لأنه كان عندي هدف ذاتي، مع أني بحترم زمايلي وكل الناس نجحت أنها توصل للجمهور، بس أنا كنت حاطط تحدي لذاتي خاص ليا، وبقالي 10 سنين بقدم في الملايين العريضة”.
واستكمل حديثه: “أنا قعدت قدام فريق الإنتاج وقلتلهم بحلم أني أحقق نجاح كلاسيكي، موضوع إجتماعي مكتمل فيه عناصر الدراما والتسلية مادامت خاضعة للدولة زي الضوء الشارد وسوق الحلمية”.
وتابع: “أنا عامل زي مانشستر سيتي مطلوب منه يكون بطل الدوري، فأنا قلتلهم اعفوني من الصراع ده، فلما وصلتني الأرقام الموثقة لأول مرة أعلنتها فرحة ليا وللجمهور وللمحطة، أننا قدرنا نعمل نوع من الدراما مش معتمد على الأكشن وفيه دراما وتقمص وأدوار وممثلين كتير، ولما شفت الأرقام حققت نسب مشاهدة كبيرة وخد احترام فاعتبرته أعلى نسبة تأثير، لأن الأعلى نسب مشاهدة ليس مرتبط بالجودة لكني كنت بكافئ، نفسي وكمان شايف أن ده مش صح ومينفعش أني أقول كدة”.
