شيماء سعيد أرملة إسماعيل الليثي: "ابني وجوزي ماتوا ومحدش رحمني"
فاجأت البلوجر شيماء سعيد، أرملة إسماعيل الليثي، الجمهور بظهورها لأول مرة عقب انتهاء فترة العدة بعد وفاته، إذ تحدثت عن حالتها النفسية بعد فقدانه، إلى جانب وفاة نجلهما قبل ذلك بعام.
وخلال بث مباشر عبر حسابها على “تيك توك”، قالت شيماء سعيد: “قضيت فترة العدة بـ أدب واحترام، لأنه كان أبويا وأمي والنفس اللي بتنفسه، أنا كنت عايشة علشانه ومكنتش بشوف غيره، كل اللي أذوه ودمرونا أنا مش هسامحهم وهسيب ربنا ياخدلي حقي من الناس دي كلها، ربنا موجود والناس اللي بتأذي، الأذى وحش أوي، أنتوا بتتعالوا على قضاء ربنا”.
وأضافت شيماء سعيد: “الشخص ده عايش وفاتح بيت ومخلف ولاد ليه كده؟، ابني وجوزي مات ومحدش رحمني، قالوا عليا أوحش كلام في الدنيا مع أنهم مشافوش مني غير كل حاجة حلوة، أنا بعامل ربنا مبعاملش حد”.
وتابعت شيماء سعيد: “العزيز مات والحياة والدنيا ماتت بعد رضا وأبو رضا، حكايتي أنا وإسماعيل خلصت بدري من قبل ما تبدأ، أنا مش عايزة غير دعواتكم ليه وليا، ومحدش يزعل مراته ولا تزعلي جوزك مفيش حاجة مستاهلة، على قد ما تقدري اعفي وسيبي اللي ليكي لـ رب الكون هو اللي هيجبلك حقك وأنتي قاعدة بتتفرجي”.
تفاصيل وفاة إسماعيل الليثي
يُذكر أن المطرب الشعبي إسماعيل الليثي توفي متأثرًا بإصاباته البالغة إثر حادث سير مروع على الطريق الصحراوي الشرقي أثناء عودته من أحد حفلات الزفاف، وتم نقله إلى مستشفى ملوى بالمنيا حيث وافته المنية.
