بسبب علاقة ياسمين عبد العزيز وكريم فهمي.. فريدة سيف النصر تنتقد "وننسى اللي كان"
انتقدت الفنانة فريدة سيف النصر بعض الأنماط الدرامية المعروضة حاليًا، مشيرة إلى اعتراضها على تقديم علاقات عاطفية بين أفراد الأمن أو السائقين والفتيات اللاتي يتولون حمايتهن داخل الأعمال الدرامية.
وكتبت فريدة سيف النصر عبر حسابها على فيسبوك تعليقًا على أحد المشاهد التي تضمنت غيرة سائق على ابنة مخدومه، معتبرة أن مثل هذه النماذج قد تؤدي إلى نقل سلوكيات غير مناسبة للجمهور.
وقالت في منشورها: "لا حول ولا قوة إلا بالله.. مش عايزة أتكلم، بس ما قدرتش.. يا جماعة ما ينفعش أجيب مثلًا أمن أو سواق مع بنتي يحافظ عليها، وألاقي الأمن داخل في غراميات مع اللي بيحرسها، وبنتها عند أبوها، وسواقها بيزعق لها وغيران.. يعني بتفهموا اللي بيشتغلوا يعملوا إيه بالظبط؟".
وأضافت: "آه كلنا ولاد تسعة، بس كده غلط.. إحنا بنفتح عينين على حاجات تودي في داهية.. نمشي الناس اللي جايبينهم ونجيب ستات ولا نهبب إيه؟ ده كلام! والمفروض البنت تصارح أهلها وما تسمحلوش يكلمها كده، وهو المفروض جاي يبلغ أبوها بأي حاجة".
وتابعت فريدة سيف النصر: "إحنا هنخيب ولا إيه؟! طبعًا الكلام ده تمثيل في مسلسل أنا شخصيًا بحبه وبحب نجمته جدًا ومؤلفه وكلهم، بس برضه مش كده.. إحنا مش أجانب، وأنا كأم ولي حفيدتين ما ينفعش يلاقوا ده عادي: علاقات وصداقة مع جارد أو سائق وغيره وحب.. وإيه الكلام الفاضي ده؟ واللي عندنا بيقلدوا هو الوحش قبل الكويس".
واختتمت فريدة تعليقها كاتبة: "ربنا يستر على ولادنا والله، ونرجع نلوم على السواقين.. ياريت ما حدش يزعل من صراحتي.. وأنا مش عنصرية، لكن مش لازم ننسى إن في أصول".
