بدرية طلبة تعلق على ازمة ياسمين عبد العزيز مع محمد سامي
علقت الفنانة بدرية طلبة على انتقادات تعرضت لها عبر مواقع التواصل الاجتماعي من بعض المتابعين المنسوبين إلى جمهور الفنانة ياسمين عبدالعزيز، وذلك بعد تفاعلها مع عدد من الفنانين من بينهم محمد سامي ومي عمر.
وكتبت بدرية طلبة عبر حسابها على فيسبوك: "أنا بجد مش فاهمه يعني إيه فانز تكتب تعليقات بالشكل دا وعارفة ان اللي يحب النجم الفلانى عمره مايزعل منه زملائه وحبايبه انتو كدا لو فعلا فانز ليها بتضروها ضرر جامد جدا قدام الوسط الفني كله وبيتقال ان دى لجان لان معروف ان اللجان هى اللي قليله الادب مش الفانز المحترمين".
وأضافت بدرية طلبة: "وبعدين يعنى ايه اصحابي لو تفاعلت معاهم او علقت عندهم او شفت عمل ليهم يتقالي كل دا بوسي شلبي صديقتي واشتغلنا مع بعض في الرياض وحضرت فرح بنتى وطول عمرنا اصحاب من ايام الاستاذ محمود عبدالعزيز والاستاذ محمد سامي رمضان اللي فات كنت معاه في مسلسل سيد الناس والنجمه مى عمر علي طول بعلق عندها ودافعت عنها لما حصل عليها هجوم وكل دا موثق يعنى مش جداد علي بعض فا ليه الهجوم دا عايزين منى ايه ؟".
وتابعت بدرية طلبة: "ومازلت مقتنعه بان اللي يعلق تعليق ويبعت رسايل بالشكل دا عايز يخسر ياسمين اصحابها واستحاله تكون دى ناس حققيين بتحبها كان من باب اولي انكم تبذلو مجهود في الصلح لكن سعيكم للشر وخلق عداوة بينها وبين زملائها يأكد انكم استحالة تكونو بتحبوها وبتدورو علي مصلحتها فا نصيحة منى ابعدوا عني انا عندى محامى بيعمل بلاغات علي اي تعليق لو مليون تعليق حعملكم قضايا ومش حسيبكم لانكم زودتوها قوى واهو علي الاقل نعرف مين اللي مشغلكم".
