رامز جلال عن انفصال أحمد السقا عن زوجته: البيت أتخرب وبقى عايش عند محمود البزاوي خلاص
علق الفنان رامز جلال بأسلوب ساخر على طلاق الفنان أحمد السقا والإعلامية مها الصغير خلال تقديمه إحدى حلقات برنامج "رامز ليفل الوحش"، الذي يذاع يوميا على قناة MBC مصر.
وقال رامز جلال في تعليقه على أسئلة المذيعة لأحمد السقا في بداية الحلقة عن حياته الشخصية وبيته، قائلا: "بيت مهو أتخرب خلاص دا بقا قاعد عن محمود البزاوي خلاص".
وخلال تقديمه أحمد السقا كضحية جديدة، قال رامز جلال: "حلقة شائكة محفوفة بالمخاطر، مع إن اللي جاي صاحبي بس الشغل مفيهوش خواطر، معانا نجم كبير أفلامه بتكسر السينمات، ياما طلع من تحت أيده ممثلين وممثلات، بس للأسف بقاله فترة متغير ومتحول، ساب الأفلام والبلاتوهات واتفرغ للمشاكل والخناقات، ولما الفراغ قتله اتجه للفيديوهات".
كما أضاف رامز جلال قائلًا: " عشان إنت بالنسبالي أكتر من أخ، أنا جايبك وعاملك فخ، أنت محتاج صدمة ترجعك لمستواك، عشان اللي بتعمله مش عمايل نجم شباك، يمكن لما تتحط في المفرمة عقلك يرجعلك وتفوق من جو قطز وعز الدين أيمن اللي أنت عايش فيه، أخرج من عصر المماليك".
وفي ختام حديثه قال رامز جلال: "أنا كده عملت اللي عليا والدور والباقي عليك، بس أوعى تمد إيديك، معانا ومعاكم قلب الأسد، النجم اللى أتحسد، اللي هوقفه عند حده وأقوله لا، أحمد السقا".
قائمة ضحايا رامز جلال في "ليفل الوحش"
ويواصل "رامز ليفل الوحش" تحقيق نسب مشاهدة واسعة طوال شهر رمضان، حيث يستضيف نخبة من نجوم الفن والرياضة.
كشف البرومو الدعائي للبرنامج عن وقوع نخبة من نجوم الصف الأول في فخ رامز هذا العام، حيث ظهرت علامات الرعب والذهول على وجوه فنانين أبرزهم: غادة عادل، غادة عبد الرازق، أسماء جلال، وشيماء سيف.
ومن المقرر أن تشهد الحلقات المقبلة مشاركة كل من شيماء سيف، كارولين عزمي، رحمة محسن، وبنتايج، في استمرار لحماسة الجمهور لهذا البرنامج الذي يُعد طقساً رمضانياً منتظراً على شاشة MBC مصر.
