محمود حجازي يتهم زوجته بادعاء مرض ابنهما بطيف التوحد
اتهم الفنان محمود حجازي زوجته بالكذب وادعاء إصابة ابنهما يوسف بطيف التوحد، وذلك من خلال منشور طويل شاركه عبر حسابه على “إنستجرام”.
وكتب حجازي في منشوره: "قولوا عليا اللي انتوا حابين، مش فارق معايا، أكيد ربنا هيعوضني وعشان أملك اقوي رد بالإثباتات مش من وحي خيال المؤلف بس ساكت عشان راجل وعشان ابني يوسف، وهنا الموضوع راح في مكان تاني ابني يوسف، إزاي أم بتتدعي مرض لابنها وبتتكلم عليه كده علي القنوات هو ده طبيعي؟ الولد لسه لم يتجاوز السنه ونص، ولم يشخص بعد، وأنا متاكد إنه كويس وزي الفل، إزاي تقول عليه كده كل ده عشان تكسبي تعاطف الناس".
وأضاف: "تفتكري حد احترمك؟ تفتكري صعبتي علي حد؟ انت كده كده خسرانه وأولهم ابنك لما يكبر ويشوف ويسمع الكلام ده منك عليه.. وسيبك مني أنا.. قولي عليا اللي انت عايزاه وعندك أفلام كتير ممكن تأليفها وانا موافق وراجل ومستحمل وأقدر أشيل اكتر كمان وده اللي انت مش عارفاه عشان انا متربي علي طبليه ابويا وتعبت علي نفسي وبحترم نفسي قبل ما احترم الناس إنما يوسف لا لحد هنا ولازم تقفي وتسكتي بقي وتراعي ربنا قبل ما نشوف فيكي عقابه".
حجازي يهاجم زوجته بسبب ابنهما
وتابع حجازي توجيه انتقاد لأسلوب والدته في التعامل مع ابنه منذ ولادته، وقال: "بجد أنتي كده أم؟ هو فيه ام مثبت بالختم علي باسبورها انها كانت بعيده عن حضن ابنها ما يعادل 6 شهور في اول عام لابنها في الدنيا وتسيبه وهو عنده 4 شهور عشان تنزل تحضر مهرجانات مع جوزها؟ وبعد كده تسيبه تاني بالأسابيع عشان أفراح بنات صاحبها وبعد كده عشان الساحل ومراسي انت إزاي أم بجد؟ اكيد يوسف فرق معاه الموضوع ده ولا وجود اب محروم منه ولا أم مش فارق معاها وزعلانه وبتعملي كل ده عشان منع السفر".
واختتم منشوره بآية قرانية تحمل تحذير ديني قائلاً: "وَاتَّقُوا يَوْمًا تُرْجَعُونَ فِيهِ إِلَى اللَّهِ".
وتأتي تصريحات حجازي بعد تداول أنباء عن صحة ابنهما، حيث أكد في منشوره أنه يشعر بالغضب من محاولة تصوير الوضع بطريقة تثير التعاطف على حساب صحة الطفل وراحته.
