"كما تدين تدان".. سالي عبد السلام تهاجم هؤلاء بسبب واقعة التحرش بفتاة الأتوبيس العام
علقت الإعلامية سالي عبد السلام على واقعة التحرش بفتاة داخل أحد الأتوبيسات العامة، والتي أثارت جدلًا واسعًا على مواقع التواصل الاجتماعي خلال الساعات الماضية.
وكتبت سالي عبد السلام عبر حسابها الرسمي على موقع التواصل الاجتماعي "فيسبوك"، معبرة عن استيائها مما حدث، قائلة: "ده اللي كان في فيديو المتحرش.. بيدافع عنه علشان لبسها مش عاجبه، والبنت بتقوله يا رب تشوفه في أهل بيتك! المشكلة مش في المتحرش بس، المشكلة في كل شيطان ساكت أو اتكلم بباطل".
وأضافت في منشورها أن ما يحدث يعكس تغيرًا مقلقًا في سلوك المجتمع، قائلة: "الناس بقت تخوف، ومش هتلاقي حد يقف مع أهل بيتك، وكما تدين تدان، شعب متدين بطبعه؟ حاجة تزعل، وتخلي الواحد يخاف على أهل بيته ينزلوا، علشان الناس مبقتش زي زمان".
ويأتي تعليق سالي عبد السلام ضمن موجة واسعة من ردود الفعل الغاضبة التي صاحبت الواقعة، وسط مطالبات بمحاسبة المتسببين وعدم تبرير أي سلوك مسيء أو تحميل الضحية المسؤولية.
سالي عبد السلام تنتظر مولودها الأول بعد فقدانها لتوأم
وفي سياق منفصل، كانت قد عبرت سالي عبد السلام، مؤخراعن امتنانها لدعوات محبيها، قائلة: "اه دعوات الناس تغير الأقدار ومستجابة أكتر من دعواتي لنفسي، لو قولتلكم إني استنيت دوري سنين عشان ربنا يرزقني الرزق والهبة دي عارفة انكم هتصدقوا ..الحمدلله خسرت تؤام بس ليا بيتين في الجنة وبدعواتكم ربنا كرمني وهيكرمني وهيكملها على خير وهيبقى معايا زينة الحياة الدنيا واللي يوهبه رضا أى كان.. وهو على هين..الوهاب".
وفي ختام رسالتها، طلبت سالي عبد السلام من جمهورها تكثيف الدعاء لها: "عايزة دعوات كتير أوى، أكتر من الدعوات اللى فاتت والله عشان الطريق مش سهل وكل شوية يحصل حاجة تصعب المشوار ومضاعفات وكل شوية اخاف اكتر…أضعاف ما دعيتم وتمنيتم يا رب ربنا يرزق كل واحد نفسه يا رب".
