هاني رمزي: انهرت لما والدتي توفت.. وحسيت إني طفل عاوز أحضنها

تحدث الفنان هاني رمزي عن مشاعره بعد فقدانه لوالدته واشتياقها إليها، وعدم قدرته على تخطي رحيلها، مشيرا إلى أنه أصبح يشعر كأنه عاد طفل، ويريد أن يعانقها.

وتطرق هاني رمزي للأيام الأخيرة في حياة والدته من خلال استضافته ضمن حلقة جديدة من برنامج "ضيفي"، مع الإعلامي معتز الدمرداش، الذي يذاع على قناة الشرق، قائلا: " بصراحة تم تهيأتي لهذه اللحظة، لأنها كانت مريضة جدا في أيامها الأخيرة والمرض كان قاسي جدا فوق ما أي حد يتخيل، وكنت لما أشوفها أبكي، وكانت مرحلة صعبة، وكل اللي حواليا عاشها، وبالنسبة ليا أنا كان نفسي أعملها حاجة ومفيش حاجة في إيدك، وكان الأمر قاسي، لدرجة إن الدكاترة كانوا بيقولولنا الجسد مش مستجيب ومفيش شئ قادر يسيطر على الألم".

وأضاف: "حصل الموضوع بالتدريج إنه هيحصل، وهو كده كد هيحصل في يوم من الأيام، ومحدش عارف مين هيموت قبل التاني، ومكتوب علينا الفراق".

هاني رمزي يكشف عن مشاعره لحظة وفاة والدته 

وأكد أنه فخور لكونه ابن، قائلا: "أمي ما كانتش عادية، وأنا فخور إني ابن الست دي.. خدت عهد على نفسي إني لازم لما أفتكرها أضحك وأبتسم أنا انهرت في البداية، وكأني طفل عاوز حضنها، ومتأكد أنها في مكان أحسن ومطمئن عليها، لأنها لازم تبقى في مكان كويس وهي ارتاحت من الألم بس وجع الفراق صعب، أنا ضهر اتكسر بعد والدي، وبكيت على والدي سنين".

وأشار إلى أن والدته كانت منشغلة في حياتها بالعمل الخيري، قائلا: "عزائي إنها مش هتسبني وهتفضل روحها معايا، لم أتفاجأ بوالدتي إنها ست عظيمة، هي عاشت طول حياتها تخدم ربنا بس وسخرت نفسها للعمل الخيري، وتبرعت بذهبها للمحتاجين".