عمرو مصطفى: سميرة سعيد: أجمل ست في العالم وبرتاح في الشغل معاها
تحدث الملحن عمرو مصطفى، عن تجربته مع الفنانة سميرة سعيد، وبداية علاقته بها، واصفا إياها بكونها أجمل امرأة في العالم، إضافة إلى كونها تمثل المرأة القوية.
وقال عمرو مصطفى خلال استضافته في برنامج «صاحبة السعادة»، الذي تقدمه الفنانة والإعلامية إسعاد يونس عبر شاشة DMC: "أول أغنية عملتها مع سميرة سعيد كان اسمها مشتاقلك، وقبلتها لأول مرة عند طارق مدكور، واحنا هناك قالولها في ملحن شاطر، واتعرفت عليها هناك".
وأضافت: "سمعت الأغنية قالتالي إنت ملحن شاطر، وبعد الأغنية بقينا أصحاب جدا، لما شوفتها حسيت إن هي اللي هترجم عمرو مصطفى في الستات، زي ما عمرو دياب هو اللي بترجمني في الرجالة، وعملنا بعديها يوم وراء يوم، وقويني بيك، وغيرها من أغاني كتير".
وأشار إلى أن سميرة سعيد تحب دائما أن تمثل المرأة القوية في أغانيها، قائلا: "قالتالي أحب أكون قوية، ست قوية وعمرو دياب نفس الحكاية رجل قوي، وتمثل الست اللي مش فارق معاها".
عمرو مصطفى يشيد بالديفا سمير سعيد
وأشاد عمرو مصطفى بالديفا سميرة سعيدة، قائلا: "أجمل ست في العالم، وكانت لما أغنية تعجبها وتعرف إن حد تاني خدها، تقولي خلاص مش مشكلة خلاص هتيجي حاجة أحلى وعمرها ما زعلت مني، وهي وأكتر فنانة برتاح وأنا بسمعها الشغل وبتشجعني في أي حاجة".
وأضاف: "علشان كده أي حد هتلاقوه ناجح ومكسر الدنيا ومستمر لازم تعرفوا إنه هو جواه حاجة حلوة".
وأكد عمرو مصطفى خلال اللقاء، أنه حقق نجاحات كبيرة خلال فترة عمله مع محسن جابر، قائلًا إن تعاونهما أسفر عن أعمال أحدثت صدى واسعًا، مضيفًا: « مشواري معاه كله نجاح، شفت معاه كل الخير، وآخر سنتين اشتغلنا فيهم سوا بوّظوا الدنيا كلها، هو مربّينا، ولسه بعمل أغنية خليك فاكرني».
