أحمد رفعت: الوسط الفني اليوم مبني على الشِللية والمحسوبية

أوضح الفنان أحمد رفعت أن الوسط الفني لم يعد كما كان في عهد العظماء، مشيرًا إلى غياب نجوم مثل أحمد زكي، نور الشريف، ومحمود ياسين، وقال: "إحنا دلوقتي ما بقاش عندنا أحمد زكي ولا نور الشريف ولا محمود ياسين، إيه اللي يخلي ممثل يعمل 5 أو 6 مسلسلات، وفي ممثلين تانيين قاعدين في البيت".

الوسط الفني بلا قيم حقيقية

وأضاف رفعت، خلال لقائه في برنامج «تفاصيل» مع الإعلامية نهال طايل على قناة صدى البلد 2: "الوسط الفني مبقاش فيه حد بقيمة أو ثقافة محمود عبد العزيز ولا فاروق الفيشاوي ولا أحمد زكي ولا محمود ياسين ولا نور الشريف، إيه الفظيع اللي بيقدمه الممثل اللي بيطلع من بطولة المسلسل ده ويدخل بطولة المسلسل اللي بعدها وهكذا؟ أنا بشفق على الناس دي، والناس بتتفرج عليهم وبقت تايهة من الدور ده للدور ده، فين العظمة في كده؟ أنا في ناس كنت بشتغل معاهم، كنت بشفق عليهم من اللي بشوفه".

الفنانة على مبادئه: لا قعدات هوى ولا كحول

وأشار أحمد رفعت إلى أن الوسط الفني يعاني من كثرة المجاملات والعلاقات الشخصية، قائلاً: "أنا ما بشربش وماليش في قعدات الهوى، وهل مطلوب مني إني أقتحم القعدات دي علشان أبقى في الشِلَل اللي بتاخد بعضها في المسلسلات؟".

وأكد رفعت أن هذه الظروف جعلت الفن قائمًا بشكل كبير على المحسوبية والشِللية، بعيدًا عن الموهبة الحقيقية والجهد الفني.