مصطفى كامل يوضح موقفه من أزمة ملف الإسكان بالنقابة وحقيقة تورطه في مخالفات قانونية

كشف الفنان مصطفى كامل، نقيب المهن الموسيقية، عن موقفه من أزمة ملف الإسكان داخل النقابة، مؤكدًا أنه رفض التدخل في الملف دون الوصول إلى حل قانوني واضح يضمن حقوق الجميع.

وقال مصطفى كامل خلال مؤتمر النقابة: "أنا لقيت في ملفات منهكة تضر بالنقابة وتضر بيا إذا دخلت فيها قانونيًا، 3 سنين بـ أجاهد وكل ما حد يجي يقول يا جماعة الملف بايظ يقابل بهجوم، قلت أكثر من مرة أمام المجلس لن أضع يدي ولن أوقع على شيء يضرني، لأني أساسًا مكنتش طرف في الملف ده علشات أجي أشيل أعبائه، طيب ننقي الملف وأنا تحت أمركم، يطلب مني فرضًا وغصبًا أني أدفع من مال النقابة فلوس في هذا الملف والنقابة مش طرف فيها علشان تدفعها، ليه عايزنا نروح لـ كده؟، أنا نفسي أنا وزملائي نصلح".

وأضاف مصطفى كامل: "النقيب السابق أخ عزيز له ما له وعليه ما عليه، وأنا جيت هنا ليا ما لي وعليا ما عليا، منى عيني أن كل ما لم ينتهي في عصر زميلي النقيب السابق أن نصلحها أنا وزملائي، بس متفرضش عليا توقعني في خطأ جنائي علشان أخلص الملف لأني مصنعتش الملف، أقسم بالله بدل المرة عشرة للي عايزني أدخل الملف ده غصبًا لوضعي فيما لا يحمد عقباه، كنت كل شوية أقول أجيب أكبر مكتب محاماة لأني مش هعمل حاجة غلط، 4 مكاتب محاماة مش عارفة تفهم الموضوع، أنا نفسي مش عارف أفهمه".

وتابع نقيب الموسيقيين مصطفى كامل: "أنا مش هعرف أدفع جنيه في ملف فيه مشاكل قانونية، أنا ليه بشيله؟، ليه عايز ترغمني أنا اتحط في موضع أنا مش شكله ولا بتاعي".

وعن مخالفات بعض الزملاء أشار مصطفى كامل: "زميل من الزملاء تيجي تقوله عندك مخالفات بالمستندات، مش عايزين يتحقق معاه، عمري ما شفت في مؤسسة في الدنيا أن يبقى في 5 شغالين و5 بيجوا يسلموا على الناس، مش قادر على الشغل ومش قادر تقدم ما تطلع يا سيدي هو في إيه هنا، في حب السلطة وتبقى راجل مبتعملش حاجة خالص ولكن لما حد يكلمك يقولك عندك مشكلة تقوله تعالى لي بكرة، هو ده يرضي ربنا؟، هو التوقيع على الأمور بالخطأ يرضي ربنا؟".