أحمد فهمي يكشف كواليس حياته الشخصية ويستعيد ذكرياته مع منة حسين فهمي

حلّ الفنان أحمد فهمي ضيفًا على الإعلامية عبلة في الحلقة الثانية من برنامجها عندك وقت مع عبلة المذاع على قناة MBC، حيث تحدّث بصراحة عن تفاصيل من حياته الخاصة وتجارب الزواج، إضافة إلى علاقته المستمرة بطليقته الأولى منة حسين فهمي.

أحمد فهمي: علاقة محترمة مع منة حسين فهمي بعد الانفصال

توقف فهمي عند علاقته بطليقته منة حسين فهمي، قائلًا: «لسه صحاب جدًا أنا ومنة، وحسين فهمي وميرفت أمين حبايبي، ولو فيه مشكلة ممكن يكلموني.. هما ناس محترمة والانفصال تم بشكل محترم، والنهايات مهمة.. مش من الرجولة أعرف أسرار حد وأنا جوه بيته».

وأكد أن الاحترام المتبادل بعد الانفصال كان وما زال أساس العلاقة بينهما.

وعن رأيه في الزواج حاليًا، أوضح فهمي أن كلمة «شريك حياتي» باتت تعني الكثير بالنسبة له: «لازم الشخصين يبقوا صحاب أوي زي صحابي الولاد، مش حب بس.. لازم نهزر الهزار اللي الصحاب بيهزروا بيه.. مش الموضوع يبقى مجرد عيلة وخلفة».

وأشار إلى أن أهم ما يبحث عنه هو علاقة مريحة تعيد له الطاقة بعد يوم العمل.

تطرّق فهمي إلى تجربته المهنية قائلًا: «بدأت آخد بالي من الوقت وعرفت قيمته.. زمان كنت بعمل عمل واحد أو اتنين في السنة، واكتشفت إن ده مش صح.. المهم إن يبقى عندك فيلم أو اتنين كويسين في السنة، الكواليتي أهم من الكمية».

وأكد أن عمر الفنان الحقيقي يُصنع من اختياراته وجودة أعماله.

 الكلاب جزء أساسي من حياته

لم يُخفِ فهمي شغفه الكبير بالحيوانات، قائلًا: «الكلاب أهم حاجة في حياتي ومن أي حد.. وبيسببولي مشاكل».

وكشف عن علاقته الخاصة بكلبته «زيزي»: «بتتعامل معايا إني زوجها، ولو حد ماسك إيدي بتغير وتخربش».

كما أوضح أن طليقته منة كانت تشاركه حب الحيوانات: «منة كانت بتحب الكلاب أكتر مني.. وكان عندنا قرود ومبنحطش الحيوانات في قفص».

رأيه في الساحل الشمالي والبحر الأحمر

واختتم حديثه بتصريح أثار الجدل: «مبحبش الساحل الشمالي ولا طيب ولا شرير، كله Fake.. بحب البحر الأحمر».

وأضاف مازحًا: «كريم أخويا بيقولي تعالى الساحل بعد ما بقى فورمة.. بس أنا بحب المصيف ألبس المايوه وأمشي بالشبشب في الشارع».