مسلم يرد على منتقديه بعد أزمة منعه من الغناء: "هفضل أشتغل علشان اللي مستني وقعتي مايفرحش"
شارك مطرب المهرجانات مسلم مقطع فيديو من العرض الخاص لفيلم «قصر الباشا»، الذي يشارك فيه بتقديم الأغنية الدعائية للعمل، في أول ظهور فني له منذ أزمة منعه من الغناء بقرار من نقابة المهن الموسيقية.
وعلّق مسلم على الفيديو قائلاً:«هفضل أعمل في أعمال واشتغل على نفسي علشان كل اللي كان مستني وقعتي مايفرحش أوي.. جيلك قريب».
ويأتي ذلك بعد أيام قليلة من إعلانه السفر خارج مصر على خلفية أزمته مع النقابة، حيث قال في فيديو سابق عبر صفحته الرسمية على «فيسبوك»:«قررت أمشي من البلد وهبيع كل حاجة في الشقة وهتكل على الله لأني مش عارف أمارس شغلي في بلدي، اتعرضت لظلم كبير من منتج ومن ناس ومن نقابة، وبقالي سنة مش قادر أصرف على بيتي، وناس من فرقني فيهم اللي بيغسل كُلى وأنا مش قادر أساعدهم».
وأضاف مسلم في حديثه المؤثر:«مفيش أمل، والعيب مش في المحكمة ولا في بلدي، العيب في الناس اللي بتمشي كل حاجة بالواسطة، فقررت أمارس مهنتي برّه طالما مش قادر أحقق حلمي هنا. واللي كان بيتمنى أشوف يوم وحش، انبسط.. أنا اتدمرت بما فيه الكفاية».
وكان الفنان مصطفى كامل، نقيب المهن الموسيقية، قد علّق على الأزمة مطالبًا مسلم بحل مشكلاته مع الشركات المنتجة المتنازع معها حتى يتمكن من العودة لمزاولة نشاطه الفني.
يُذكر أن الأزمة بدأت بعد قرار النقابة بإيقاف مسلم عن العمل لمدة عام، وهو القرار الذي هاجمه المطرب عبر منشور سابق كتب فيه:
