أسما شريف منير: "سيبوا كل واحد يعيش رحلته مع ربنا باحترام"

ردت الإعلامية أسما شريف منير على الانتقادات التي وُجّهت إليها بعد تداول مقطع لها تنطق فيه كلمة “قرآن”، موضحة أن السخرية من محاولات البعض للالتزام الديني لا تعبر عن التسامح أو الاحترام.

وقالت أسما في فيديو نشرته عبر حسابها الرسمي على موقع تبادل الفيديوهات والصور العالمي “إنستجرام”: "يعني بصوا خلينا نقولها ببساطة، نفس الناس اللي بتقول ما تحكمش علي" و"خليك متفتح"، هم نفسهم ساعات بيتريقوا على حد بس لأنه نطق "قرآن" صح أو حاول يكون ملتزم شوية".

طب ما هو من حق كل واحد يعيش حياته زي ما هو شايف، ومن حق اللي بيحاول يكون قريب من ربنا إنه ما يتحطش في موقف سخرية.

وأضافت أسما شريف منير: يعني لو بنقول "عيش وسيب غيرك يعيش"، نطبقها على كل حاجة ما ينفعش تبقى شايف إن تصحيح كلمة إنجليزية غلط حاجة مهمة وبعدين تضحك على حد لأنه قال كلمة دينية صح، في الآخر كلنا بنتعلم من بعض، والاحترام هو الأساس.

أكملت أسما شريف منير، قائله: "فخلينا نكون لطاف مع بعض، ونسيب كل حد ياخد رحلته مع ربنا من غير ما نحسسه إنه غريب في النهاية، الدين معاملة وكلمة طيبة مش تريقة ولا حكم على حد".