هيدي كرم برسالة جريئة للنساء فوق الأربعين

وجهت الفنانة هيدي كرم رسالة مؤثرة للنساء فوق سن الأربعين، أثارت من خلالها الجدل حول مفهوم الجمال والسعي وراء الوصول للجسم المثالي بأي ثمن.

وقالت كرم في مقطع فيديو نشرته عبر حسابها الرسمي على منصة X:"عزيزتي المرأة الجميلة فوق الأربعين، إذا وصلتي للسن ده ولسه ما قدرتيش توصلي للوزن المثالي اللي بتحلمي بيه، أرجوكي تنازلي عن الحلم ده."

وأضافت: "بلاش تجري ورا القطيع وتاخدي حقن أو أدوية عشان تخسي بسرعة، لأنك ممكن تخسري وزن، بس هتخسري معاه حاجات أهم بكتير زي الكولاجين ونضارة البشرة والدهون الطبيعية اللي بتدي الوجه حيوية."

وحذّرت الفنانة من المبالغة في إنقاص الوزن قائلة: "ممكن جسمك يبان أنحف، لكن وشك هيقول إن القطر عدى عليك وما سماش وهو بيعدي."

وأكدت أن هدفها ليس معاداة الرشاقة، وإنما الدعوة إلى التوازن والقبول الذاتي، موضحة: "لو عايزة تخسي، خسي شوية علشان تتخلصي من النفخة أو الكرش البسيط، وبعدها اهتمي بالرياضة والأكل الصحي."

وتابعت: "أنا مش بتكلم عن اللي عندهم سمنة مفرطة أو مشاكل صحية، أنا بتكلم عن الستات الممتلئات شوية.. الكلبوظة الجميلة دي بعد الأربعين أعشقيها وافتخري بيها."

واختتمت رسالتها قائلة:"مش كلنا اتخلقنا نكون رفيعين، في ستات جمالهم في امتلاء جسمهم وأنوثتهم الطبيعية. حبي نفسك، حبي سنك، حبي شكلك، وصدقيني لو حبيتي نفسك الناس كلها هتحبك، وأولهم جوزك."