أحمد عز: “هفضل أجي دير جيست حتى لو مش هتكرم.. ولو هاجي أوضب الترابيزات”
عبر الفنان أحمد عز عن سعادته بتكريمه خلال حفل توزيع جوائز مهرجان دير جيست، مؤكدًا أن الجائزة تمثل تقديرًا لكل من شاركوه في نجاح فيلم 7Dogs الذي عرض مؤخرًا في دور السينما، محققًا أعلى الإيرادات، كما تحدث عن المكانة الخاصة التي يحتلها المهرجان لديه، خاصة في ظل رحيل مؤسسه ماجد حسني.
رسالة مؤثرة من أحمد عز لمؤسس مهرجان دير جيست
وقال أحمد عز خلال كلمته في الحفل: “أنا سعيد إني بتكرم وسط زمايلي والأساتذة، والجائزة دي لكل اللي اشتغلت معاهم، بس الحقيقة دير جيست المرة دي صعبة، لأن القائم على دير جيست ماكانش شخص عادي، إحنا كنا مدرسة واحدة وكان مشروع وحلم هو بيحلم بيه”.
وأضاف: “مدام داليا وأولاده بيدونا درس في الوفاء، هو اتوفى في رمضان اللي فات، ودير جيست لازم يروح للعيلة العظيمة دي، لأنهم يستحقوا ده ألف مرة”.
واستعاد أحمد عز ذكريات أول تكريم له في مهرجان دير جيست، قائلًا: “أنا أول مرة اتكرمت فيها كانت سنة 2005 عن فيلم ملاكي إسكندرية”.
واختتم حديثه مؤكدًا استمرار دعمه للمهرجان وحرصه على الحضور، قائلًا: “ومعاكم في أي دير جيست بعد كده، حتى لو مش هتكرم فيه، ولو هاجي أوضب الترابيزات، لأن القائم عليه كان غالي عليا”.
