واثق إن جدك فخور بيكي.. أحمد أبو زهرة يحتفل بعيد ميلاد ابنته مريم
احتفل أحمد أبو زهرة نجل الفنان الراحل عبد الرحمن أبو زهرة بعيد ميلاد ابنته مريم الثامن عشر، مؤكدا على فخر جدها بها لما وصلت إليه من مكانه في العزف في سن صغير.
وكتب أبو زهرة عبر حسابه على موقع التواصل الاجتماعي فيسبوك:"مريم النهاردة تمت ١٨ سنة.. مش عارف ازاي السنين بتجري بالشكل ده.. كنت لسه امبارح شايلها وهي في اللفة وبتعيط لما كنا أنا ومامتها نوقف عزف علي البيانو".
وتابع:"النهاردة مريم بتقف علي اكبر مسارح العالم وتعزف صولو مع اهم أوركسترات العالم، حفلاتها بتتباع في اوروبا كل تذاكرها".
وأضاف:"السنة دي بس مريم حصلت علي جوائز مهمة جدا والي جانب انشغالها الدائم بالحفلات والسفر والعزف استطاعت انها تخلص المدرسة وتحصل علي الثانوية العامة بتفوق من مدرستها في ڤيينا".
واستكمل قائلا:"مش عارف اقول ايه ولا ايه وافتخر بإيه ولا ايه
أنا واثق ان جدك الله يرحمه فخور بيكي ومبسوط بكل اللي بتحققيه خاصة انك انت اصغر حفيدة له وكان دايما ليكي مكانة خاصة في قلبه (نظرا للشبه الكبير بينك وبين جدتك).. كل سنة وانت طيبة يا احلي واغلي انسانة في الوجود".
وكان قد أحيا أحمد أبو زهرة ذكرى مرور أربعين يومًا على وفاة والده الفنان الراحل عبد الرحمن أبو زهرة، من خلال منشور نشره عبر فيسبوك، تحدث فيه اشتياقه الكبير إليه، واسترجع مجموعة من المواقف واللحظات التي لا تزال عالقة في ذاكرته.
وعلق قائلاً: “النهاردة الأربعين أعياد ميلاد بابا ٢، النهاردة يعدي أربعين يوم على وفاة بابا، وجدت نفسي أتذكر مظاهرة حب عظيمة من فناني مصر لشخص عبد الرحمن أبوزهرة لن أنساها أبدا. ٢٠١٤ السنة اللي بيتم فيها بابا التمانين، الحقيقة إني وللمرة الثانية أنا وسحر أختي والمرة دي بمشاركة أختنا الدكتورة مي أبوزهرة قررنا نحتفل بعيد ميلاده ولكن بشكل مختلف وعلى الرغم من ظروف عملي وتواجدي في المانيا حينها وظروف عمل اختي مي وتواجدها في مونتريال بكندا إلا أن ده لم يمنعنا إطلاقا من الاتفاق والتحضير لعيد ميلاده عن طريق سحر اللي زي ما قلت تسكن على بعد خطوات من بابا وماما. وبالفعل نظمنا عيد ميلاد كبير وضخم دعونا إليه كل من أحبهم وأحبوه”.
