إنت مطرب عادي جدا.. أشرف الشريعي يوبخ رضا البحراوي

هاجم المطرب الشعبي أشرف الشريعي المطرب الشعبي رضا البحراوي على خلفية تصريحات الأخير في أحد الحفلات والتي أكد فيها أنه منذ نزوله للقاهرة وهو ينافس نفسه.

وقال الشريعي خلال بث مباشر عبر حسابه على موقع التواصل الاجتماعي فيسبوك:"شوفت فيديو للفنان رضا البحراوي بيقول فيه كلام غريب جدا.. قال انا بقالي 11 سنة في القاهرة بنافس نفسي".

وتابع:"انت فين الشغل الخاص بيك اللي تنافس بيه حد.. انت موجود كنمرة في القاهرة بشغل الناس الأخرين.. مش المفروض المنافسة دي بتبقى على مبدأ.. انت اغانيك كلها على أصابع اليد.. الغرور ميسمحلكش إنك تعمم الدنيا".

وتسائل أشرف الشريعي قائلا:"إنت بقالك كام سنة بتغني في طنطا إنت متعرفتش غير لما نزلت القاهرة لما بتعني الأغاني بتاعتي وأغاني طارق الشيخ وعبد الباسط

فين اغانيك المعروفة من بعد زمن الوحوش.. انت مطرب عادي جدا بتغني أغاني الناس".

وأوضح:"طب انا هنافسك بناء على أيه علشان إنت بتغني شغلي؟!.. وانت لو تقصد شخص بعينه اقصده هو متعممش.. انت عندك خلاف مع حد قول أنا عندي خلاف مع فلان.. وبلاش الغرور ياخدك وتقول الكلام ده لانه عيب ومينفعش".

حرص المطرب الشعبي رضا البحراوي على توضيح ما كان يقصده من إستخدام إحدى الشعارات أثناء غنائه في حفله السابق.

وكان قد تعرض البحراوي لهجوم كبير على خلفية هذه الشعارات، ما دفعه للتوضيح عبر حسابه الشخصي على موقع التواصل الاجتماعي "فيسبوك".

وكتب البحرواي:"أنا عمري ما اقصد اي إساءه لأي مطرب كبير او صغير كل النجوم الأتي اسماؤهم دول أنا اتعلمت منهم.. واتربيت علي أغانيهم الاساتذه الكبار.. الأستاذ احمد عدويه.. الأستاذ مجدي طلعت.. الأستاذ أشرف المصري.. الأستاذ حسن الأسمر.. الأستاذ عبد الباسط حموده.. الأستاذ طارق الشيخ".

وأوضح:"انا قاصد بنافس نفسي مش بنافس مطربين أنا مش باصص إلا لنفسي ومستقبلي وبرغم كل الحروب اللي بتحصل عليا مش بأصص إلا لطريقي ومع كامل احترامي وتقديري لكل المطربين".

وأضاف:"أنا مش شايل ضغينه لحد وبحب كل المطربين الصغير قبل الكبير.. ومش عيب اني اغني لكل العمالقه اللي سبقوني.. چورچ برغم نجوميته الكبيره غني لكل الناس وتحياتي للجميع وربنا يرزق كل الناس". 

وأكد في ختام حديثه قائلا:"وانا اقل مطربين مصر وبحترم اخواتي الكبار فنانين مصر".