عيطت كتير وكنت خايفة مارجعش لوزني.. سالي عبد السلام تروي تجربتها مع إكتئاب الحمل
حرصت الإعلامية سالي عبد السلام على مشاركة تجربتها مع إكتئاب ما بعد الحمل مع جمهورها من السيدات للشد من أزرهم والتأكيد على إنها مرحلة صعبة تمر بمساعدة المقربين.
ونفت سالي عبد السلام تمامًا أن يكون هناك أي صلة لهذا الأمر بعدم الصلاة، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
ورت سالي عبدالسلام تجربتها قائلة:"عيطت كتير؟ اه عيطت كتير! كنت خايفة مرجعش تانى لوزنى؟ اه خفت جداً".
وأوضحت:"جالى اكتئاب حمل من الادوية وأولهم دواء الضغط وانا بحقق امنية كنت بتمناها ومش بفوت فرض اللهم بارك أه حصل والاكتئاب ملوش علاقة بالصلاة!".
وتابعت سالي قائلة:"جالى اكتئاب بعد الحمل وسألت على مساعدة ولحقت نفسى! حصل، و طبيعى جداً حتى لو دى كانت امنيتك الوحيدة فى الدنيا، احترموا مشاعر بعض، مش هنعلى على بعض مش مسابقة !، انا سمعت كلام يزعل ويوجع وكله بغرض الهزار و يمكن ده كان الدافع!، انا فى ناس كتير اوى كانت جمبى ومن غيرهم مكنتش هعرف ارجع وبشكرهم واحد واحد وهقولكم عملت ايه عشان نفيد بعض، مستنية اخلص الرحلة دى واطمن واقول فى الوقت المناسب كل التفاصيل، لا مشربتش مياة ولعبت رياضة زى ما بيطلعوا يقولوا و يضحكوا علينا".
سالي عبد السلام تكشف عن معاناتها مع الأمومة
وفي تصريحات سابقة، كشفت سالي عبد السلام عن معاناتها مع الأمومة، وذلك بعد مرور شهرين فقط على إنجاب مولودها الأول "هارون"، موجة رسالة للأمهات.
ونشرت سالي عبد السلام مقطع فيديو عبر حسابها الرسمي على "إنستجرام" وثقت من خلاله الأيام الأولى بعد إنجاب طفلها الأول من داخل المستشفى.
وكتبت تعليق قالت فيه: "أنا مش بهزر الأمهات دى مفيش زيها، أنا لسه المشوار طويل وبعيط من دلوقتى الحمد لله، أنتوا بتعملوها إزاى؟ إزاى؟، عدم النوم! عدم الراحة!.. مش مهم الدواء بتاعى لو فى دواء ليه.. إزاى ومفيش نوم بتكملوا! مش هزار، ده أسلوب تعذيب للمساجين، أنتى بطلة، أنا غلطانة إنى مكنتش أعرف كل ده ولا عمرى حسيت بأم".
