فريدة عبيد تستغيث من منتج فني: "بيبتزني وبيحاول يهكر حساباتي في البنوك"

كشفت المطربة فريدة عبيد عن تعرضها لأزمة تتعلق بالابتزاز الإلكتروني، مطالبة الجهات المختصة بالتدخل، وذلك عبر مقطع فيديو تم تداوله من خلال حساب شقيقتها على «تيك توك».

وقالت خلال الفيديو: “عايزة أي حد يشوف الفيديو ده يناشد السلطات المسئولة أو أي جهة حكومية تقدر تساعدني وتنقذني من اللي أنا فيه، أنا بتعرض للأبتزاز الإلكتروني”.

وأوضحت تفاصيل الواقعة، مضيفة: “في منتج وواحد بتاع سوشيال ميديا اشتغلت معاهم من حوالي 5 شهور، بيبتزوني، استولوا على حساباتي على كل السوشيال ميديا، وبيحاولوا يهكروا حساباتي في البنوك”.

وتابعت فريدة عبيد: “هكروا تليفوناتي وتليفونات عيلتي كلها، ومهكرين أكونت أنغامي وعلى آبل ميوزك، وبيسحبوا الأرباح من فترة من غير ما أكون عارفة”.

وفي سياق متصل أشارت فريدة عبيد إلى سبب الخلاف، قائلة: “أنا معملتش للناس دي حاجة غير أني قولت لا مش عايزة اشتغل شغل مش مناسبني، عايزني اشتغل معاهم بالعافية فبيضغطوا عليا”.

كما لفتت إلى استمرار الأزمة رغم محاولاتها، مضيفة: “بقالي أسبوع بلف حوالين نفسي أنا وعيلتي كلها، وحتى لما جبنا موبايلات جديدة بخطوط جديدة بردو بيهكروها”.

وفي سياق آخر، علّقت فريدة عبيد على الانتقادات التي طالتها بعد ظهورها في برنامج «هي وبس» مع الإعلامية رضوى الشربيني، مؤكدة تمسكها بتقديم فن يعتمد على موهبتها.

وكتبت  فريدة عبر «فيسبوك»: “كل اللي بيتكلم ويتنمر على شكلي مريض بجد... أنا في البرنامج ده علشان موهبتي وأغنيتي اللي كتبتها ولحنتها وغنتها”.