مسلم يعلن انتهاء ازمته مع المهن الموسيقية ويستعد لإحياء حفلات عيد الفطر

كشف مطرب المهرجانات مسلم عن انتهاء أزمته مع نقابة المهن الموسيقية، والتي كانت قد قررت إلغاء تصريحه السنوي في وقت سابق بسبب تكرار الشكاوى ضده.

وأعلن مسلم عودته للعمل من جديد، من خلال منشور عبر حسابه على إنستجرام، حيث نشر صورة له أمام مقر النقابة، وعلق قائلًا: "الحمدلله رجعت الشغل من تاني وكل حاجة بترجع أحسن من الأول استنوا أول حفلات ليا".

أعمال مسلم المقبلة

وفي وقت سابق، أثار مسلم تكهنات حول أعماله المقبلة، حيث كتب على إنستجرام:
"يالهووي على اللي هعمله الفترة الجاية"، موضحًا أن ما سيقدمه سيكون شيئًا جديدًا وغير معتاد على جمهوره.

معاناة مسلم مع منتج أغانيه السابق

وكشف مسلم عن فوزه بقضيته ضد منتج أغانيه السابق، مؤكدًا أنه لم يعد مرتبطًا بأي منتج، وقال: "الحمد لله بعد معاناة 5 سنين مع المنتج بتاعي .. الراجل ده كان بيحاول يقفلي أي باب شغل وبيحاربني في أكل عيشي .. وناس كتيرة فرحانة وشمتانة فيا .. الحمد لله كسبت القضية ومفيش حاجة اسمها منتج معايا تاني .. مسلم بقى لوحده .. ومستعد أنزل كل يوم تراك".

وأضاف: "الحمد لله كسبت القضية بدون أي ظلم .. وقضاء بلدي نصفني وعارف إني اتظلمت .. وإن شاء الله اللي جاي خير .. وخلال أسبوع هنزل أغنية جديدة .. وهتشوفوا حاجات عمركم ما شوفتوها الفترة الجاية وههتم بشغلي جدًا".