بعد تصدرها التريند.. تصريحات مثيرة للفنانة لبلبة تكشف عن معاناتها الشخصية
تصدر اسم الفنانة الكبيرة لبلبة التريند على مواقع التواصل الاجتماعي خلال الساعات الماضية، بعد إطلاقها العديد من التصريحات المثيرة التي كشفت عن معاناتها الشخصية والإنسانية.
وفتحت لبلبة قلبها خلال لقاء حواري معها على قناة LBC، وتطرقت إلى مخاوفها من الوحدة والتقدم في العمر، خاصة أنها تعيش بمفردها ولم تُنجب أطفالًا، وجاء حديثها بعفوية وتلقائية شديدتين، كاشفًا عن العديد من الجوانب الإنسانية في شخصيتها كامرأة عادية بعيدًا عن الشهرة والنجومية.
أبرز تصريحات لبلبة
ونستعرض فيما يلي أبرز تصريحات لبلبة التي كشفت خلالها عن معاناتها الشخصية:
- لما بكون متضايقة بكلم ربنا، لأني مش بلاقي حد اتكلم معاه، هو أقرب حد ليا، الحلوين كلهم راحوا.
- اتعودت على الوحدة من بعد وفاة والدتي، وبقيت بعرف اتخطاها زي إني اقرأ كتاب، أو أكلم أصدقائي، أو أخرج، فالوحدة مش مضيقاني.
- بخاف من المرض وبقول طب لو حصل ليا حاجة أنا هعمل إيه ما فيش حد جنبي يرعاني وهترمي في مستشفى وبهدله ولكن مبخافش من الموت.
- أنا ست مؤمنة وبحس أني جوايا مفيش شر وعمري ما بصيت لحد وقلت ليه ده كده وأنا كده أمي ربتني أني ماليش دعوة بحد.
- مفتاح قلبي هو الصدق والإنسانية والحنية، والإنسان اللي يدخل قلبي هو اللي يحس بالآخرين.
- التلميذ لما يذاكر لازم ينجح طالما أخلص لشيء وحبه وقال يا رب واتكل على الله لازم يكون قدامه النجاح.
- أنا بشوف كل شيء في إيد ربنا لو عاوز يدي النحاح لفنان هيعطيهوله بس لازم مجهود علشان تحافظ على النجاح.
- النجاح عمره ما خلاني اتغر أو أحس بالغرور، مرة سمعت والدي ووالدتي بيقولوا ممكن لما تكبر الجمهور ما يحبهاش زي دلوقتي، لما سمعت كلامهم زعلت جدًا، وروحت قعدت معاهم وقلت لهم الجمهور هيفضل يحبني وهفضل اغني لجمهوري وأمثل لحد ما أكبر.
- دايمًا فيه خوف جوايا، إزاي اتغر، خو من بكره، وأقول اوعى يا رب يجي اليوم الناس ما تسقفليش، وأمي كانت تقولي شفتي المطرب أو الممثل اللي مبقاش جحد يجيبهم علشان مغرورين، أنا على طول بعمل حساب الجمهور ويكون راضي عني.
