بعد وفاة ابنته ووالده.. أحمد عبد الحميد: "أنا مش زعلان أنا راضى وحامد"

وجه الفنان أحمد عبد الحميد رسالة شكر لجمهوره وأصدقائه على دعمهم ومساندتهم له، بعد إعلان خبر وفاة ابنته وذلك بعد وفاة والده الماكيير الشهير محمد عبد الحميد بأسبوعين فقط.

وكتب أحمد عبد الحميد عبر حسابه الرسمي على موقع التواصل الاجتماعي على "فيسبوك": "متشكر لكل الناس اللى بتحبنى ووقفت جنبى فى مصيبتى بس، 
الحمدلله اكتشفت الأيام اللى فاتت إن ربنا بيحبنى أكتر عشان يختبرنى ويبتلينى بجزء صغير من الابتلاءات اللى شافها الرسل والأنبياء وعباده القريبين.. أنا مش زعلان أنا راضى وحامد ومبسوط".

وأضاف: "مبسوط إن ربنا رزقنى بناس حلوة زيكم كلكم فى ضهرى وإتاكدت من محبتكم اللى ربنا يقدرنى وأرد جزء منها وماشفش فيكم أى حاجة وحشة يارب.. الحمدلله عدد ما كان وعدد ما يكون و عدد الحركات والسكون".

أحمد عبد الحميد يعلن عن وفاة ابنته 

وكان قد أعلن الفنان أحمد عبد الحميد عن وفاة ابنته منذ أيام عبر حسابه الرسمي على "فيس بوك" معلنا من خلالها وفاة ابنته: "مش عارف ربنا بيحبنى ولا مش بيحبنى عشان ياخد منى أبويا وبنتى فى أسبوعين".

وتابع: "الله جاب الله خد الله عليه العوض، لا نقول إلا ما يرضى الله، إنا لله وإنا إليه راجعون، بنتى ملاك عند ربنا وجنب ابويا".

وأكد أنه لن يستطيع استقبال أي تعزية في الوقت الحالي، وأنه سيكون أفضل مع الوقت، قائلا: "أنا مش هقدر حد يكلمنى ولا يعزينى وأنا شوية وهبقى كويس إن شاء الله".

وفاة والد الفنان أحمد عبد الحميد 
 

وفي نهاية شهر ديسمبر الماضي ومنذ حوالي أسبوعين، خيم الحزن على الوسط الفني، عقب وفاة الماكيير محمد عبد الحميد، والد الفنان أحمد عبد الحميد، وذلك بعد تعرضه لوعكة صحية خلال الفترة الماضية.