عمر كمال يرد على الانتقادات بسبب ألبومه الجديد: "من حقي أجرب وأثبت إني أستحق"

رد المطرب عمر كمال على الانتقادات التي وجهت له عقب إعلان أسماء صناع ألبومه الجديد، بعد وصف البعض تعاونهم معه بأنه "سقطة" في مسيرتهم، ومن بينهم رامي جمال، تامر حسين، عزيز الشافعي، ومدين.

وقال عمر كمال في برنامج "ET بالعربي": "كنت محظوظ إني اشتغلت مع أسماء كبيرة زي تامر حسين، عزيز الشافعي، مدين، مصطفى العسال، توما، ورامي جمال، وده حلمي من زمان واتحقق الحمد لله".

أضاف عمر كمال تعليقه قائلا: "لما نزلت صوري مع صناع الألبوم الناس قالت سقطة في تاريخهم، ليه؟ مش من حقي أجرب؟ الناس دي ناجحة وشبعت شهرة ونجاح، ومفيش حاجة تجبرهم يشتغلوا معايا غير إنهم شايفين فيا حاجة كويسة في ناس كنت هعمل معاهم دويتوهات ورفضوا في الآخر، بس أنا مبسوط وده إداني دافع أكبر أثبت إنهم غلط وإنّي أستحق، اللي مالوش قلب مالوش رزق".

وتابع عمر كمال: "الألبوم اسمه عمر كمال الرهان كسبان، وإن شاء الله يكون رزقه من اسمه، وده اللون اللي بدأت بيه من زمان، كنت بغني عن الغربة وأبويا، وجربت كذا لون قبل كده لكن النجاح الحقيقي جالي دلوقتي".

واختتم المطرب عمر كمال حديثه قائلاً: "دي السنة الخامسة ليا في الأغاني الشعبية، وحسيت إن الوقت مناسب أغير لوني الموسيقي، وربنا كرمني بفرصة كويسة أدخل بيها عالم البوب من الباب الكبير، فقررت أستغلها وأخدها".