تفاصيل نجاة الفنانة والإعلامية ميار الببلاوي من حرق في منزلها

أوضحت الفنانة ميار الببلاوي أنها تعافت نسبيًا بعد إصابتها بأزمة تنفس نتيجة الأدخنة التي لحقت بحريق اندلع في منزلها خلال الأيام الماضية، مشيرة إلى عودتها من المستشفى فجر اليوم.

وقالت ميار الببلاوي: "كان عندي أزمة في التنفس من بعد الحريق اللي حصل في البيت بسبب إصابتي بالربو والالتهاب المزمن في الشعب الهوائية، رجعت من المستشفى النهاردة الساعة 3 الفجر، ربنا يعدي السنة دي على خير شفنا فيها اللي محدش شافه".

تفاصيل حريق منزل ميار الببلاوي

سبق أن نشرت ميار الببلاوي مقطع فيديو عبر حسابها على فيس بوك يُظهر آثار الحريق في مطبخ منزلها، وكتبت: "ربنا نجاني أنا وابني بأعجوبة، الحمد لله قدرنا نتصرف والنار ممسكتش في بقية المطبخ بس خضة صعبة أوي، كان ماس ونار مش قادرة أتنفس الدخان كان مالي البيت، طفاية الحريق مهمة جدًا يا جماعة ربنا يستر على الجميع".

وأضافت ميار الببلاوي: "مكنتش عارفة اتصرف والنار طالعة من كل مكان وجنب محبس الغاز ومش عارفين نقرب من البوتاجاز لأن كان فيه ماس كهربائي، وكنت خايفة على ابني يدخل وسط النار، بس هو ربنا يحميه، لولا فكر واستعمل طفاية الحريق كانت هتبقى كارثة".