فريدة سيف النصر تستنكر منع الزيارة عن شقيقها: "سيبوه يودع حبايبه"

أعربت الفنانة فريدة سيف النصر عن استيائها من قرار الأطباء منع الزيارة عن شقيقها، الذي نُقل إلى المستشفى بعد أزمة صحية وتدهورت حالته مؤخرًا.

رسالة فريدة سيف النصر للأطباء عبر فيس بوك

كتبت فريدة على حسابها بموقع فيسبوك: “طيب وكله اضطر يروح بأوامر الطبيب، تخيل نفسك تكبر وتبقى في نفس الحالة ويتقال لكم زي ماقولتم إحنا عملنا اللي علينا ادعوا له فقط، كلامكم معناه خلاص.. طيب لما عارفين ماتسيبوهم يشوفوا حبايبهم ولا هو عذاب من كله”.

وأضافت فريدة سيف النصر: “هتكبروا أكيد ماهو لازم الكبر عبر، لكن ياترى هتنفذوا الأوامر ولا دكاترة وهاتجاملوا بعض؟، رجاءا لله.. سيبوا المرضى اللي أنتم عارفين أنه خلاص يودعوا حبايب قلوبهم التعب مايبقاش من كله”.

وأختتمت فريدة سيف النصر رسالتها كاتبه: “كفاية روتين خلوها إنسانيات، تحت الأرض كلنا تراب مش هنميز حد.. خلونا نشوف ملامحهم قبل التراب مايختلط على بعضه.. لا حول ولاقوة إلا بالله العلي العظيم”.

اعتذار فريدة سيف النصر عن مسلسل جديد

في سياق آخر، أوضحت فريدة سيف النصر سبب اعتذارها عن المشاركة في مسلسل "لعدم كفاية الأدلة" للمخرج أحمد حسن والمؤلف أمين جمال، مشيرة إلى أن الدور لا يتناسب مع ما قدمته من نجاحات، ووجهت الشكر لصنّاع العمل عبر فيس بوك.