تصريحات نارية من مي كمال الدين عن علاقتها السابقة بـ أحمد مكي
كشفت خبيرة التجميل مي كمال الدين طليقة الفنان أحمد مكي، عن تفاصيل علاقتها السابقة وسبب الانفصال، موضحة أنها قررت التحدث بعد تعرضها لاتهامات بأنها لم تحترم خصوصية حياتهما بعد الطلاق.
وقالت مي عبر خاصية القصص القصيرة على إنستجرام: “في حديث آية المنافق ثلاث إذا حدث كذب، وإذا عاهد أخلف، وإذا خاصم فجر، والصفات دي مش هتكون فيا لو على موتي، أولا خصوصية إيه اللي أنا محترمتهاش هل أنا نشرت شيء خاص بیني وبین أحمد، هل أنا خرجت وشتمت أحمد”.
وأضافت مي كمال الدين: “هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف، على فكره الآلية سهلة والفضايح سهلة، بس مش من طبعي ولا تربيتي أنا اتقيت ربنا في نفسي وفيه”.
وأوضحت مي كمال الدين: “إيه كمية التهم اللي نازلة ترف عليا وأنا اقتحمت خصوصيته وخلفت العهد، مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها”.
وتابعت مي كمال الدين: “وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها طلبت منه برد جزء من اللي بيحصلي من ناس من طرفه مكنش فيه أي رد فعل منه اكتشف بعد شهور تحديدا يوم عيد ميلاده فيديو ملهوش أي لازمة إن أحمد له علاقة بـ حد معين وبعدها فيديو ينزل ليا بصوري وإن أنا عروسة أحمد مكي”.
وأكملت مي كمال الدين: “حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلة أدب من اللي حواليه مرحمتنيش، ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جدًا”.
واستطردت مي كمال الدين: “إزاي ودي بيني وبينه هو فقط، بعتله إني ساكتة احتراما لوالدته وأخوه الكبير فقط مش أكتر، ولحد دلوقتي بعمل كده علشان والدته وأخوه فقط فسبب كلامي، وأنا مبحبش أبان ضعيفة أو مكسورة أو أصعب على حد ولا بحب الصعبانيات، فعلا بحترمه وبقدر الخير الى بينا”.
واختتمت مي كمال الدين حديثها كاتبه: “مينفعش أنا أو هو مهما كان بينا يتقال كلام أكاذيب زي الي سمعتها من اللي حواليه عارفة أنه اضايق بسبب موضوع السوشيال ميديا بس ليه الهوجة مطلعتش وقت أن اتقال عروسة أحمد مكي، أنا برد جزء كبير من نفسيتي اللي تشوهت وحتى الآن أنا شايلة اسم أبويا الله يرحمه، مش فارقلي حد، هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير وأنا كذلك هفتكر له الخير في الأصول احتراما لوالدته الله يرحمها وتقديرا لها”.
