مش عايزة أبقى تريند.. معتزة عبدالصبور تكشف معاناتها بعد قانون الإيجار القديم
صرحت الفنانة معتزة عبدالصبور، ابنة الشاعر الكبير صلاح عبدالصبور، أنها تمر بفترة قاسية على المستوى النفسي والصحي، بعدما أُبلغت مؤخرًا بأنها ستغادر الشقة التي تعيش فيها منذ سنوات طويلة خلال سبع سنوات مقبلة، وفقًا لأحكام القانون الجديد.
وكتبت معتزة عبدالصبور عبر حسابها على فيسبوك: "بعتذر لكل الصحفيين اللي حاولوا يتواصلوا معايا ومردتش، أنا مواطنة مصرية عادية بكتب على صفحتي للونس وقت الشدة، مش عايزة أبقى تريند بالمرة، حكيت فقط من فرط الألم وقلة الحيلة".
وأضافت معتزة عبدالصبور: "حالتي الصحية متردية جدًا، ومش طالبة أي دعم أو مأوى، كل اللي محتاجاه أمشي في سلام وهدوء. الموقف أكبر من احتمالي، والدنيا ضاقت عليا أوي، وعايزة أخرج في براح ربنا وأمانه".
وأشارت معتزة عبدالصبور إلى أن أكثر ما يؤلمها هو اضطرارها للتوقف عن مشروعها في تدريب طلبة التمثيل، قائلة إنها كانت ترى فيهم مواهب حقيقية وشغف رغم ضعف إمكانياتهم المادية.
وتابعت الفنانة معتزة عبدالصبور: "السبع سنوات الجايين هتشوفوا مآسي كتير لأسر هيتطروا يسيبوا بيوتهم، وأتمنى ربنا ينجي الجميع".
وتابعت معتزة عبدالصبور منشورها كاتبه: "أنا و كل اسرتى عيشنا حياتنا بمنتهى الشرف و خدمنا بلدنا بمنتهى الحب و التفانى .و ده جوهر شرفنا و عزة نفسنا. امبارح بالليل فى الاسكندرية و انا يودع طلبتى اللى عملت معاهم وركشوب قد يكون الاجمل و الاكثر شفافية واحدة منهم أنا عارفة أن عندها درجة عالية من الشفافية جدا لمحت نظرتها ليا و احنا بنودع بعض ..كانت عينيها بتقول أنا عارفة انى مش هشوفك تانى بالرغم أننا كلنا بنمثل أنه فيه بعد و انك جاية تانى و انك هتنجى من ده ..بس انتى اهديتينا روحك و احنا اهديناكى روحنا علشان نطبطب على بعض و تحسى بسلام ، الايام الأخيرة تبقى سلام .. استودعكم".
واختتمت معتزة عبدالصبور منشورها بقولها: "مبقاش عالمى و لا دى دنيتى يا حبايبى و محدش يرضالى انى اعيش فى ذعر أو مهانة أو الم نفسى لا يحتمل، ابقى مجرد شبح مما كنت عليه من حبى و شغفى و املى فى الحياة . محبتى و احترامى للجميع".
