حلا شيحة ترد على شائعات تصريحاتها ضد طليقها معز مسعود
أوضحت الفنانة حلا شيحة حقيقة ما تم تداوله على لسانها مؤخرًا بخصوص فترة زواجها السابقة، والتي أشيع أنها وصفتها بأنها الأصعب في حياتها، مؤكده أن هذا الكلام لا يمثلها ولم يصدر عنها.
وعبر حسابها الرسمي على إنستجرام، نشرت حلا شيحة تعليقا كتبت فيه: "مش عارفة إيه الكلام ده ومين اللي نشره على لساني؟! ياريت اللي يكتب خبر يتحرى الدقة كويس قبل ما يكتب أي حاجة عني.. أنا مقلتش الكلام ده نهائي".
تفاصيل من تجربة حلا شيحة الشخصية
في وقت سابق، ظهرت حلا شيحة في فيديو عبر قناتها على يوتيوب، وتحدثت فيه عن التحديات اللي واجهتها بعد طلاقها الثاني، والاضطراب النفسي اللي مرت بيه وقتها.
وقالت: "لما لبست الحجاب المرة اللي فاتت ومكنتش عارفة أكمل فيه لأن حصلتلي لغبطة الجواز والطلاق اللي كنت فاكرة أن الزيجة دي هتكون عونا لي على حياة أفضل، وأي ست من حقها تتجوز ومن حقها إيه المناسب ليها لو ده هيساعدها أنها تقرب من ربنا وده اللي ربنا أمرنا بيه، ولما لقيت الموضوع ده مش صح ومش متظبط وفيه حاجة غلط كانت الصدمة صدمتين لأني حساسة جدًا وبتأثر أوي وبتعب نفسيًا".
وكملت حلا شيحة كلامها: "رد فعلي بعد الطلاق الأولاني كان صعب وكنت بسمع كلام كتير إن لما حد عنده أولاد ومبيبقاش عايز يتطلق ولكنه بيمشي وهو متضطر بيبقى عنده تروما ورد الفعل بيغير كيمية دماغه، فأنا حاسة أن ده اللي حصللي، حاجة اتغيرت جوايا من كتر الألم اللي كنت فيه، حصللي حالة غضب وكنت بقول يا رب أنا زعلانة منك، أنا سيبت كل حاجة وجيتلك يا رب أنت ليه مش واقف جنبي، طبعًا ده كان غلط مني ولكن ده كان غضب وكنت حاسة أني بنتقم من جوايا من حلا، ودي مش الصورة اللي اتربيت عليها من طاعة وقرب من ربنا، وزعلت من نفسي فبقيت أحس أن أنا فعلًا في حاجة من جوايا مش مظبوطة".
مسلسل "إمبراطورية ميم" أحدث أعمال حلا شيحة
كانت آخر مشاركات حلا شيحة الفنية من خلال مسلسل "إمبراطورية ميم" في رمضان 2024، حيث قدمت دوراً مميزاً إلى جانب النجم خالد النبوي. المسلسل تناول قصة رجل يُدعى مختار أبو المجد، يواجه تحدياً كبيراً بين مشاعره تجاه.
