أسماء شريف منير ترد على منتقدي زواجها للمرة الثالثة
خرجت الإعلامية أسما شريف منير عن صمتها وردت على منتقدي زواجها للمرة الثالثه، إذ أحتفلت بقرانها الأيام الماضية في أجواء عائلية بسيطة، بعيدًا عن المظاهر والمبالغات المعتادة.
ونشرت أسما شريف منير، عبر حسابها الرسمي على موقع تبادل الصور والفيديوهات “إنستجرام”، وعلقت عليه: "لكل شخص شتمني، تنمر عليا، أو أساء الظن بيا، أنا مش بزعل، ومش باخدها على قلبي مش لأني ما بحسش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: “والكاظمين الغيظ والعافين عن الناس والله يحب المحسنين”.
وأضافت أسما شريف منير: "أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة، ربنا أمرنا نكون أرقى، حتى قدام الظلم: “ولا تستوي الحسنة ولا السيئة، ادفع بالتي هي أحسن”.
وتابعت أسما شريف منير: "اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: “يا أيها الذين آمنوا اجتنبوا كثيرًا من الظن، إن بعض الظن إثم”.
وأكملت أسما شريف منير: "أنا مسامحة من قلبي، مش ضعف لكن قوة إني ما أخليش الحقد و الزعل يسكن في صدري، وسايبة كل حاجة لـ ربنا لأنه قال: “فمن عفا وأصلح فأجره على الله”.
وأنهت أسما شريف منير، تعليقها بتوجيه رسالة للفتايات، كاتبه: "أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: “مريضة، مستفزة، بجحة، وكلام كتير مالوش لازمة كله اتبدل بحسنات، ربنا هو اللي بيختار ويعوض مش الناس".
