موعد عزاء بلال جعفر اليوم في شبرا الخيمة
تستقبل أسرة عازف الأورج بلال جعفر، اليوم الجمعة، واجب العزاء في الراحل، الذي غيبه الموت مساء الأربعاء الماضي بعد صراع مع المرض، وسط حالة من الحزن بين أفراد أسرته وأصدقائه وزملائه من الموسيقيين والفنانين الذين ارتبطوا به خلال سنوات عمله.
ومن المقرر أن يقام عزاء بلال جعفر عقب صلاة العصر، بدار مناسبات الإسكان الصناعي، بجوار كوبري أحمد عرابي وأمام بنزايون في شبرا الخيمة، حيث تستقبل أسرته وأصدقاؤه المعزين في الراحل.
سعد الصغير ينعى بلال جعفر
كان المطرب سعد الصغير من أوائل الفنانين الذين حرصوا على نعي بلال جعفر، معبرًا عن حزنه الشديد لرحيل صديقه بعد معاناة مع المرض، خاصة أنه كان على تواصل معه خلال الأيام الأخيرة وحرص على مساندته في أزمته الصحية.
وكتب سعد الصغير في نعيه: "البقاء لله أخويا المحترم عازف الأورج بلال إلى رحمة الله، ده اللي كنت بقول لإخواتي الفنانين، وكل حد من العازفين يشوفوا الراجل كان محتاج ناس كلها جنبه، بس دلوقتي بقى عند ربنا، ومفيش أحسن منه، ياريت الناس تبقى على العشرة، واللي كان مابينكم في يوم من الأيام".
آخر كلمات سعد الصغير عن صديقه
أضاف سعد الصغير: "أهو الراجل راح وكان عايز الكل يبقى معاه، ربنا يرحمك يا بلال، ربنا يرحمك يا حبيبي بلال، كنت لسه معاه من كام يوم، وكان فرحان جدًا إن أنا كنت معاه وأنا مبسوط إن كنت معاك يا بلال".
واختتم رسالته قائلًا: "وأول لما كلمتني أنا مقدرش أتأخر عنك صاحب صاحبك في كل شئ، مش في المصلحة، وعلشان كده مش هطول عليكم، بس ياريت نعرف إنها مش دايمة، واللي معاك النهارده بكره مش موجود، ربنا يدمها علينا جميعًا بالصحة والبركة والخير كله".
كما شهدت جنازة بلال جعفر حضور سعد الصغير، الذي شارك في تشييع جثمانه، في مشهد عكس العلاقة القوية التي جمعتهما خلال الفترة الماضية.
