عماد يسري: السوشيال ميديا أثرت على صناعة السينما وأفسدتها ودورها ليس له قيمة فنية
تحدث الناقد السينمائي عماد يسري، عن ما يحدث في العروض السينمائية قبل معادها من ترويج على السوشيال ميديا والدعاية الخاصة بالفيلم، وقال على ردودًا على الأسئلة الخاصة به كالتالي:-
السوشيال ميديا أفسدت السينما المصرية
س/ شايف السباق الرمضاني من وقت ما السوشيال ميديا دخل بقى ليه طعم؟
ج/ هي السوشيال ميديا أفسدت كل ما يخص الأعمال الفنية، لأنها للأسف مش بتفيد وده بسبب شركات الإنتاج واللجوء إلى بعض من يتبرعوا لتسويق الأعمال بشكل ما، فللأسف أدى الموضوع لفشل الكثير من الأعمال.
وهقول لحضرتك على حاجة، في فيلم «ريد فلاج»، أنا ما شفتوش، حصل في العرض الخاص، ان البلوجرز عملوا دعايا، ولكن أنا عمال برصد في ردود أفعال على السوشيال ميديا، لكن الناس بتقول إعلانات الفيلم أو الريلز اللي بتتعمل عن الفيلم أفضل من الفيلم، أوقات السوشيال ميديا مع الأعمال الفنية تنبهري بالعمل، تيجي تشوفي العمل تلاقي نفسك اللي كنت بتشوفه ريلز أفضل، في أعمال هي عبارة عن ريلز بيعملوها دلوقتي في الكوميديا تحديدًا.
جملة نجوم العمل يستطيعوا نجاحه ليس صحيح النص هو المسئول
س/ هل ينفع أقول أن الفيلم فيه نجوم كبار يقدروا يشيلوا عمل زي ده ويحولوه لأكبر؟
لا، أكبر خطأ إن إحنا نقول إن اللي بيشيل العمل، أو الجملة اللي بتتقال بشكل عفوي من الجمهور، إن النجم أو النجوم هم سبب نجاح العم، لأنهم مش سبب فشل العمل، ممكن يكون بسبب اختيار نص غلط أو نص دون المستوى، بسبب اختيار مخرج ليس له رؤية، فبالتالي بنشوف الكارثة اللي بنشوفها في السينما المصرية حاليًا.
واللي يقولي إن ده مش صح، لا، يجيبلي أفلام محققة إيرادات من خلال عدد التذاكر المباعة، وليس من خلال ما تصدره شركات الإنتاج للصحافة، لأن بالمناسبة ما عندناش جهة بتقول حقيقة التذاكر المباعة أو حقيقة الإيرادات الحقيقية، وجميع ما يتم تصديره من شركات الإنتاج خطأ وليس حقيقة، ولا أحد يستطيع أن يظهر الإحصائيات.
السبكي مستمر في صناعته ونجاحه بسبب الفلوس
وأنا بحترم المنتج أحمد السبكي وبحترمه جدًا، ليس لأعماله والسينما التي يقدمها لكن لأنه منتج جريء ومستمر في الصناعة، لأجل صراحته، والراجل ده اقدر أقول إن هو ليه الفضل إن الصناعة تفضل موجودة، لأن في أهل الصناعة دول كانوا هيشتغلوا إزاي إذا كان في شركات بعدت ومنتجين كبار بعدوا، وهم موجودين
وبحترم صراحته، خصوصًا التصريح الأخير إن قالك: إحنا بنعمل أفلام من أجل الفلوس، مش من أجل شيء أخر، وللأسف أهل الصناعة في مصر بيتكاسلوا إبداعيًا، والوطن العربي اللي الفن المصري فيه مطلوب، والفنان المصري مطلوب، والعمل الفني المصري مطلوب.
