عماد يسري: خالد النبوي له أدوار هامة عديدة لكن طارق الشناوي كان يصف النجم العالمي
اثارت تصريحات الناقد خالد الشناوي الجدل الكبير، بعد ان تردد أن النجم خالد النبوي، ليس فنان عالمي ولا ينتمي إلى العالمية وأن له أعمال فنية ذات قيمة لكن لا تنتمي إلى العالمي، لذلك رد الناقد السينمائي عماد يسري على ذلك في حوار خاص مع كارافان، قائلًا في اسئلته:
الفنان العالمي له مواصفات يجب ان يتسم بها
س/ بما إننا بقى انتقلنا للفنان المصري وصناعة الفنان المصري، النجم خالد النبوي، الإعلان الأخير له الخاص بالحضارة والنقلات اللي عاملها للآثار المصرية، والإسكريبت اللي بيتكلم فيه بالفيديو بتاعه هو عن كل حتة في مصر بتاريخها وبحضارتها، بعد الإعلان ده طلع الناقد الكبير طبعًا الأستاذ طارق الشناوي وقال لكل الفانزات اللي بتتكلم على خالد النبوي: أنا لا أرى إنه ينتمي للعالمية، وإنه مش نجم عالمي، هو نجم قدم حاجات لطيفة للجمهور، بس هو مش نجم عالمي، فهل فعلًا النجم خالد النبوي، بكل الأعمال اللي قدمها، وبكل الرسائل اللي قدمها في المسلسلات والأفلام، ما يقدرش يكون نجم عالمي؟ يعني إنت مع الرأي ده ولا لأ؟
ج/ بصي، طبعًا أستاذ طارق الشناوي، أستاذنا وزميل عزيز وصديق عزيز طبعًا، لكن خليني أتكلم مش على موضوع خالد النبوي عالمي أو غير عالمي، أو على تصريح طارق الشناوي، لكن أنا هتكلم على حاجة: إيه هو مواصفات النجم العالمي؟
عمر الشريف نجم عالمي بجميع أعماله
يعني عمر الشريف ده نجم عالمي، لأن هو طبعًا له أعمال فنية عالمية، أعمال سينمائية وأعمال تليفزيونية كثيرة خارج مصر، ده بالنسبة لجزئية العالمي، وبالمناسبة، أستاذ طارق الشناوي اتكلم من خلال سؤال: هل هو عالمي ولا مش عالمي؟ لا، هي ليها تفاصيل كتير، وعمر الفنان خالد النبوي ما قال عن نفسه إنه فنان عالمي.
جمهور أي فنان، لما بيبقى بيعزه ودايمًا ليه مكانة، أي فنان ليه مكانة كبيرة عند جمهور، شيء طبيعي بيديله ألقاب كثيرة، مش بتكلم على خالد النبوي برضه، الفنان خالد النبوي نجم كبير، نجم له مكانة ومعزة كبيرة لدى الجمهور المصري والعربي، وله أعمال كثيرة قدمها لها فكر، ودايمًا هو مهتم بالاختيار، وبيقدر يوصل رسالة معينة للناس.
