هشام ماجد: كنت اتمنى اتوبيس الأهلي يعطل باللاعيبة في ماتش الـ 6/1
تحدث الفنان هشام ماجد عن مباراة الأهلي والزمالك في عام 2002، وهزيمة الزمالك 6/1 وذكرى هذه المباراة معه.
هشام ماجد: مباراة 6/1 كان نفسي ماتتلعبش
وقال الفنان عشام ماجد خلال لقائه مع محمد عبد العاطي في برنامج مع كامل احتياطي: كنت اتمنى اتوبيس الأهلي يعطل باللاعيبة في ماتش الـ 6/1 أو الزمالك ينسحب المهم النتيجة دي ما تحصلش، الفدغريبة إن الأعلي ماكنتش دي أحسن حلاته وماخدش الدوري السنة دي خده الإسماعيلي وإن الزمالك كان في الجيل الذهبي بتاعه والسنة دي الأهلي مش في أحسن حالته ولاعب برضو الزمالك كسبه، بس الأهلي لما بيقع السكاكين بتكتر عليه وجمهور الأعلي ما بيرحمش.
وأضاف الفنان هشام ماجد: يعني مثلا الزمالك لو اتعادل خسر الجمهور عادي بيعديها لكن جمهور الأهلي لا يتقبل إنه يتعادل أو يخسر، وعشان كده الزمالك بيفرح أكتر بكتير من الأهلي يعني الأهلي عنده بطولات أكتر بكتير وعالميا أكبر بس الزمالك بيفرح أكتر لأنه التعادل عند الأهلي هزيمة والفوز بدوري حاجة عادي لكن الزمالك عنده مش عادي ممكن يقعد بحتفل 3 و 4 سنين ببطولة خدها او على جول فجمهور الزمالك بيستنى أوي الفرحة بيدور عليها وياخدها من أي حاجة بسيطة.
موقف طريف لـ هشام ماجد في بداية عمله في الهندسة
وتابع حديثه مستعيدًا أول مكان عمل به، قائلًا: “ أول ما اتخرجنا وصحابي وشيكو اشتغلوا في شركة هي اللي بتبني فندق مشهور واللي ماسك المشروع كوريين وأصحابي كلموني أروح، وكل شغلتي الإنشاء وإني أشوف البانيوهات اللي فيها خدوش وأصورها أو أرسمها، وبعدها أكتب رقم الأوضة والبانيو، وفضلت شهرين مبعملش غير كده”.
وأضاف: “كان مديرنا اسمه مستر غان ومساعده اسمه شن وكان بيكرهني جدًا، وكان زي الكوريين بيعرف يلعب بوكس وبيطير وكان بيعمل كده مع السباكين اللي معانا، وجينا وقت شدينا في الكلام وزقني وضربته وطار بعيد وهو بيقوم براحة مكنتش عارف أعمل إيه، وكنا شغالين في الدور ال 18 ووقتها نزلتهم جري وفضلت أزعق في المكتب وهما وقتها كانوا بيخافوا من القلق، لانهم بيكونوا موجودين من غير أوراق ووقتها شيكو خوفهم وقالهم ده خاله مدير أمن، ومشيت ومرجعتش المكان تاني”..
أول أجر تقاضاه هشام ماجد
وتحدث عن أول تجربة عمل له عام 2003، حيث حصل على راتب 1200 جنيه شهريًا، وبدأ العمل في مجال الإنشاءات داخل أحد المشروعات الكبرى، إلى جانب أصدقائه ومنهم شيكو، حيث كانت طبيعة العمل تتعلق بتوثيق المواقع داخل المشروع ورسمها وتسجيل أرقام الغرف.
