بعد رحيل والدتها.. سالي حلمي تبكي جمهورها: كنتم طبطبة على قلبي وسندي بعد ربنا

عبرت سالي حلمي، شقيقة الفنان أحمد حلمي، عن اعتزازها وتقديرها الكبير لجمهورها، خاصة بعد مساندتهم لها عقب وفاة والدتها

رسالة سالي حلمي لجمهورها

ووجهت سالي حلمي الشكر لكل من قدم لها العزاء في وفاة والدتها، وذلك من خلال مقطع فيديو نشرته عبر حسابها الرسمي بموقع التواصل الاجتماعي "فيس بوك"، قائلة: "طالعة مخصوص عشان أشكر ناس كتير جدًا في حياتي، حابة أشكر الناس اللي عزوني، الناس اللي من مصر ومن برا مصر، شكرًا ليكم ولمحبتكم".

واستكملت: "طالعة مخصوص للناس اللي كلموني وبعتولي رسايلي حسسوني في لحظة أني بعمل حاجة مهمة، أنا كنت عايشة وشايفة أني بعمل حاجة، ولكن جاتلي رسايل من أمهات وزوجات كتير بيعزوني وبيقولولي قومي وشدي حيلك، وكنت برد وبقولهم أن الطاقة الإيجابية اللي عندي مبقتش موجودة".

سبب عودة شقيقة أحمد حلمي للسوشيال ميديا

وتابعت: "لكن لم تبعتلي أم وتقولي لازم تقومي أنا في يوم من الأيام كانت هتتخرب حياتي من مشاكل عائلية وأنتي وقفتي جنبي وسندتيني، وأم تانية وتقولي ابني كان هيضيع مني لولاكي أنا كنت بسمع فيديوهاتك ونصايحك، ودول مش بس الناس اللي كانت بتيجي العيادة عشان الموضوع ميتفهمش أنه كان ليا استفادة لا كلامهم كان عن الفيديوهات واللايفات اللي بطلعها".

وتابعت حديثها موضحة تأثير الجمهور عليها في فترة غيابها، معلقة: "بجد كلهم فرقوا معايا وكلامهم خلاني أقدر أقوم تاني وأحاول أستعيد قوتي وطاقتي الايجابية، ده مش على واحد ادأو اتنين لا ده كم كبير من الرسايل لما كنت بقراها كنت بضحك بعد ما الفرح والضحك بعد عني، بعد وفاة ماما".

وأوضحت: "كنتوا طبطبة على قلبي جدًا جدًا، وبقولكم أني إن شاءالله هرجع تاني للفيديوهات بتاعتي مع أني ساعة خالد أخويا فضلت قافلة سنتين عشان محدش يقول أني بستغل التريند، مكنتش متخيلة أني اسمع من حد أني فعلا بقصر في حياته".

واختتمت حديثها، معلقة: "إمبارح جاتلي مكالمة هي السبب في الفيديو ده، أم قالتلي أنا بتابعك من وقت ما ابني كان 3 سنين لحد ما دخل الجامعة أوعي متكمليش أنتي فارقة معانا، أنتوا حاجة جميلة وأنتوا سندي بعد ربنا وادعولي بالصبر وإنشاءالله أرجعلكم تاني، كل نصيحة أو كلمة هقولها هتبقى صدقة جارية على روح أمي وأبويا وأخويا رجمة الله عليهم”.