يوسف الشريف يوجه رسالة لمحمد صلاح بعد مغادرة الدوري الإنجليزي.. "أنت حققت أكثر من خيال العالمي"
أشاد النجم يوسف الشريف بنجم كرة القدم محمد صلاح، مؤكدًا أنه يتحدث عنه هذه المرة من منظور متابع للدوري الإنجليزي وليس كصديق أو كونه مصريًا، وإنما كحالة كروية استثنائية يفتخر بها العالم.
وقال يوسف الشريف: “الحقيقة إن أنا شهادتي مجروحة، وأنا اخترت النهاردة أتكلم عن صلاح كواحد من متابعي الدوري الإنجليزي.. أنا مش هتكلم عن صلاح كصديق، ومش هتكلم عنه كمصري، لأن يعني صلاح حدث مصري كلنا بنفتخر بيه".
- يوسف الشريف يتحدث عن محمد صلاح كا متابع دوري إنجليزي
وتابع: "الحقيقة إن إحنا كمتابعين دوري الإنجليزي نفتخر بمحمد صلاح والدوري الإنجليزي نفسه يفتخر بمحمد صلاح، وده مش كلام عاطفي ولا عشان أنا بحبه، ده كلام بالأرقام، إحنا بنتكلم عن الأسطورة”.
- يوسف الشريف فيلم العالمي كان خيال وصلاح حقق أكثر من الخيال
وأضاف: “وأنا أفتكر واحنا بنعمل فيلم العالمي، الفيلم اللي هو الناس بتقول عنه يعني إن هو توقع ظهور صلاح.. كنا بنتكلم عن رحلة صعود فيها الطفل المصري اللي بيقول لأبوه أنا هدخل مصر كأس العالم تاني وبعدين بيلعب في أكبر نادي بإنجلترا ويحقق إنجازات".
وتابع يوسف الشريف: "الناس خرجت من الفيلم مبسوطين جدا وبيقولوا إن ده حلم جميل يعني بس خيالي صعب يتحقق.. وييجي صلاح بعد كده ويظهر ويحقق أكتر بكتير من اللي حصل”.
واختتم الشريف حديثه قائلًا: “حقيقي صلاح فخر لكل مصري وفخر للعرب وفخر للدوري الإنجليزي وفخر لكل واحد بيحب كرة القدم.. بالتوفيق يا صلاح في خطوتك اللي جاية وإحنا دائما في ظهرك ونشجعك”.
وأكد الشريف أن ما حققه محمد صلاح يفوق التوقعات، ويجعله واحدًا من أبرز أساطير كرة القدم في العالم، مشددًا على أن مسيرته تمثل مصدر إلهام كبير للشباب العربي والمصري.
- قصة وأبطال فيلم "العالمي"
تدور أحداث قصة فيلم "العالمي" حول الشاب "مالك" وهو لاعب لكرة القدم في إحدى النوادي الصغيرة، سرعان ما يثبت كفاءته ومهاراته، فينتقل للعب في النادي الأهلي ثم نادي فالنسيا الإسباني، ويقود منتخب مصر في تصفيات أفريقيا لكأس العالم.
- أبطال فيلم العالمي لـ يوسف الشريف
يشارك في بطولة فيلم "العالمي" نخبة من النجوم ومنهم، يوسف الشريف، صلاح عبدالله، أروى جودة، محمد لطفي، دلال عبد العزيز، رحمة حسن، وهو من تأليف ياسين كامل، وإخراج أحمد مدحت.
