رانيا كمال تروي تفاصيل أزمتها مع زوجها: "من بعد اللي حصل فيا وأبني متأثر"
علّقت الكاتبة والروائية رانيا كمال على تطورات أزمتها مع زوجها، موضحة أن نجلها يعاني من اضطراب نفسي بعد ما مر به خلال الفترة الأخيرة.
ونشرت رانيا كمال عبر حسابها على إنستجرام تفاصيل الحالة، حيث قالت: "ابني هارون عنده سنتين و10 شهور، طفل صغير ميستحملش اللي شافه ولا اللي مر بيه، من بعد اللي حصل فيا من كدمات في وشي ورقبتي وإيدي، وهو متأثر جدًا، كل شوية يحط إيده على الأماكن دي ويقولي: “محمد واوا”، يعني فاهم إن محمد هو اللي عمل فيا كده، ومن وقت ما اخدوه مني واختفى عني 4 أيام، مع محمد وابنه عمر وبنته نادين، والولد رجع مش هو، نفسيته بقت سيئة جدًا، مش زي الأول خالص، بقى بيصحى من النوم مخضوض، ويفضل يتأكد إني جنبه، الطفل اللي كان بيضحك وبيتكلم ويحب باباه وإخواته، بقى لما بقوله كلم بابا أو أي حد فيهم يقول “نو”، وأوقات يتعصب بشكل مش طبيعي، أنا مش عارفة إيه اللي حصل له في الأربع أيام دول، ولا إزاي اتعاملوا معاه علشان يرجع بالحالة دي!، حسبي الله ونعم الوكيل، اللي حصل ده دمر نفسية طفل بريء ملوش أي ذنب، من أب اناني جاحد سرق حتى الاكل من التلاجة علشان يسيب ابنه بالجوع، لكن الحمد لله له رب كبير احن عليه منك".
وفي سياق متصل، كشفت عن تفاصيل واقعة الاعتداء التي تعرضت لها داخل منزلها، مشيرة إلى أن زوجها اقتحم المسكن وتعدى عليها، ثم اصطحب نجلها دون سند قانوني.
وذكرت في منشور آخر: “بتاريخ يوم الخميس الموافق 9/4/2026، قام كلٌ من زوجي/ محمد مصطفى زكي بدوي (وشهرته حماده بدوي)، وبرفقته نجله/ عمر محمد مصطفى، وابنته/ نادين محمد مصطفى (من طليقته/ سمر منصور)، بالتعدي عليّ داخل مسكن الزوجية، وقد ترتب على ذلك قيامهم باصطحاب نجلي/ هارون دون وجه حق. وعلى الفور تم اتخاذ الإجراءات القانونية اللازمة، حيث تم تحرير إثبات حالة واستخراج تقرير طبي رسمي، وعند عودتي لمسكن الزوجية، فوجئت بتغيير كالون الشقة، مما اضطرني لكسر الباب والدخول لمسكني، حيث تواجد نجل المذكور (عمر) بالداخل، وحاول منعي من التواجد بمسكني”.
